"گونئی آذربایجان نثری" آنتولوگیاسی چاپدان چیخدی
بو گونلرده "نورلار" نشریاتی "گونئی آذربایجان نثری" آنتولوگیاسینی چاپ ائدیب.
بو گونلرده "نورلار" نشریاتی "گونئی آذربایجان نثری" آنتولوگیاسینی چاپ ائدیب. واقیف سلطانلی و ایرج اسماعیل-ین تقدیمی و "اؤن سؤز"و ایله یایینلانان آنتولوگیایا گونئی آذربایجان بدیعی نثریندن سئچمهلر داخیل ائدیلدی.
نفیس ترتیباتلا چاپدان چیخان کیتابدا زین العابدین ماراغایی، میرزه عبدالرحیم طالیب اوف، سید جعفر پیشه وری، حمزه فتحی خوشگینابی، پناهی ماکولو، حبیب ساحر، گنجهلی صباحی، صمد بهرنگی، غلامحسین ساعدی، رضا براهنی، ناصر منظوری کیمی تانینمیش سیمالارلا یاناشی، اورتا و گنج نسلی تمثیل ائدن علی رضا ذیحق، علی داشقین، رقیه کبیری، ایواز تاها، آغشین آغکمرلی، صمد نیکنام، گونتای گنج آلپ، والی گؤزتن، فرانک فرید، کوییلو سعید نجاری، توغرول آتابای، حمید آرغیش و باشقا یازیچیلارین یارادیجیلیغی دا یئر آلیب.
آنتولوگیایا داخیل ائدیلن بدیعی نثر نومونهلری ژانر باخیمیندان رنگارنگدیر. بورادا حکایه، مینیاتور، منثور شعر، خاطره، همچنین رومانلاردان پارچالار عکسینی تاپیب. کیتابدا آیری-آیری مؤلفلرین فوتوسو و حاقیندا ییغجام معلومات دا یئر آلیب. ادبی اثرلرین سئچیمینده مومکون قدر بدیعی و میللی دیر داشییان نومونهلره اوستونلوک وئریلیب.