کرکوک‌ده یالنیز عراق بایراغی آسیلاجاق
"کرکوک و دارتیشما‌لی بؤلگه‌لرده ایزلنیله‌جک مکانیزم‌لر، عراقین 2005 آنایاساسی‌نین 140.جی ماده‌سینده تعیین اولونموش‌دور"
عراق حکومتی، کرکوک والی‌لیگی و ویلایت مجلیسینه، شهرده یالنیز عراق بایراغی آسیلماسی لازیم اولدوغونو ایفاده ائدن رسمی بیر یازی گؤندردی.
عراق باشباخانلیغی طرفیندن گؤندریلن یازیدا،
"کرکوک و دارتیشما‌لی بؤلگه‌لرده ایزلنیله‌جک مکانیزم‌لر، عراقین 2005 آنایاساسی‌نین 140.جی ماده‌سینده تعیین اولونموش‌دور. بو وضعیت هله ده چؤزومه قاووشماماقلا بیرلیکده شهر (کرکوک) فدرال حکومت و آنتی مرکزیتچی رهبرلییه باغلی‌دیر. بو سبب ایله اورادا یالنیز عراق بایراغی‌نین آسیلماسی لازیم‌دیر" ایفاده‌لرینه یئر وئریلدی.
یازیدا آیریجا، شهرده عراق بایراغینی آسما و یا یانیندا باشقا بایراق آسما صلاحیتی‌نین ویلایت مجلیسینده دئییل، فدرال و مرکزی رهبرلیکده اولدوغو وورغولاندی.
اسکی عراق پرزیدنتی جلال طالبانینین لیدئری اولدوغو کوردوستان وطن‌سئورلر بیرلیگی عضوو اولان والی نجم‌الدین کریم، کرکوک ائل مجلیسینه بیر یازی گؤندره‌رک، نوروز قوتلامالاری سببی ایله بوتون قامو قوروم و قورولوش بینا‌لارینا عراق بایراغی‌نین یانیندا پارتی بایراغی‌نین آسیلماسی تعلیماتی وئرمیشدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
