"بیر کره یوکسه‌لن بایراق، بیر داها ائنمز!"
رسول‌زاده، آذربایجان تاریخی‌نین ان گؤرکم‌لی و بؤیوک شخصیت‌لرین‌دن اولوب، آذربایجان میللی ایستیقلال حرکاتینا باشچی‌لیق ائتمیش‌دیر
بوگون محمد امین رسول‌زاده‌نین دوغوم گونودور.
محمد امین رسول‌زاده 18 ژانویه 1884ده باکی‌دا آنادان اولدو. رسول‌زاده دؤولت آدامی، سیاستچی و آذربایجان خالق جمهوریتینین (1918-1920) بانی‌لرین‌دن و آذربایجان سیاسی مهاجیرتی‌نین لیدئرلرین‌دن بیریدیر. آذربایجان تاریخی‌نین ان گؤرکم‌لی و بؤیوک شخصیت‌لرین‌دن اولوب، آذربایجان میللی ایستیقلال حرکاتینا باشچی‌لیق ائتمیش‌دیر. اونون "بیر کره یوکسه‌لن بایراق، بیر داها ائنمز!" ایفاده‌سی 20.جی عصرده آذربایجاندا مستقیل‌لیک حرکاتی‌نین شعاری اولموش‌دور. دولو دولو بیر حیات یاشایان رسول‌زاده، سیاسی فعالیتلرینین یانی سیرا ادبیات ساحه‌سینده ده اؤزونو گؤسترمیش، شعرلری و مختلف قونولاردا مقاله‌لری آیری آیری قازئته و درگی‌لرده یایینلانمیشدیر.
عؤمرونون سون ایللرینی تورکیه‌ده گئچیرن و شکر خسته‌لیگیندن دولایی چتین گونلر یاشایان رسول زاده، 1955.جی ایل مارس آیینین 6سیندا گئجه ساعات اون بیره اون دقیقه قالمیش "آذربایجان، آذربایجان، آذربایجان!" دئیه‌رک ابدیته قوووشدو.
رسول‌زاده، آنکارادا عصری مزارلیغیندا دفن ائدیلمیشدیر.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
