قیبریس باریش مذاکیرهلرینین آچیلیشینی بیرلشمیش میلتلرباش کاتیبی آنتونیو گوترس ائتدی
اؤزل گؤزلمچی" صیفتیله کونفرانسدا یئر آلان آوروپا بیرلیگینی ایسه آوروپا بیرلیگی کومیسیونو باشقانی ژان-کلود یونکر ایله آوروپا بیرلیگی خاریجی ایلیشکیلر یوکسک نمایندهسی فدریکا موگرینی تمثیل ائدیر
قیبریسده بیرلشمیش میللتلر تشکیلاتینین گؤزتیمینده 15 می 2015-جی ایلده یئنیدن باشلایان مذاکیرهلر چرچیوهسینده تشکیل ائدیلن بین الخالق کونفرانس سوئیسین ژنو شهرینده باشلادی.
بیرلشمیش میللتلر تشکیلاتی ژنو اوفیسیندکی تاریخی کونفرانسین آچیلیشینی بیرلشمیش میلتلر تشکیلاتی باش کاتیبی آنتونیو گوترس ائتدی.
کونفرانسا، قوزئی قیبریس تورک جمهوریتی پرزیدنتی مصطفی آکینجی و روم لیدر نیکوس آناستاسیادیس ایله قارانتور اؤلکهلر آدینا خاریجی ایشلر ناظری مولوت چاووش اوغلو، یونانیستان خاریجی ایشلر ناظیری نیکوس کوسیاس و اینگیلتره خاریجی ایشلر ناظری بوریس جانسون قاتیلیر.
"اؤزل گؤزلمچی" صیفتیله کونفرانسدا یئر آلان آوروپا بیرلیگینی ایسه آوروپا بیرلیگی کومیسیونو باشقانی ژان-کلود یونکر ایله آوروپا بیرلیگی خاریجی ایلیشکیلر یوکسک نمایندهسی فدریکا موگرینی تمثیل ائدیر.
بیرلشمیش میللتلر تشکیلاتی باش کاتیبی گوترس، قیبریسلی لیدرلرین ده یولداشلیق ائدجگی بیر مطبوعات کونفرانسی تشکیل ائدهجک. کونفرانسدا طرفلرین آخشام یئنیدن بیر آرایا گلمهسی گؤزلنیلیر.
کونفرانسین اساس گوندم مادهسینی، مذاکیرهلرین 6 تمل باشلیغیندان بیری اولان "امنیت و ضمانتین" میدانا گتیریر.
قیبریسلی لیدرلرین سون اوچ آیدا سوئیسده اوچونجو دفعه بیر آرایا گلدیگی ژنو بین الخالق کونفرانس، آدانین گلهجگینده اؤنملی رول اوینایا بیلر.
بیرلشمیش میللتلر تشکیلاتی باش کاتیبینین قیبریس اؤزل موشاویری اسپن بارت اید-نین، واسیطهچیلیگی سون 19 آیدیر داوام ائدن مذاکیرهلری ایقتیصاد، آوروپا بیرلیگی، مولکیت، ایداره-گوج پایلاشیمی، تورپاق ایله امنیت و ضمانتین "اولماقلا 6 تمل باشلیقدان عبارتدیر.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک