یوسف بالاساغونلو آنیسینا گوموش پول باسیلدی
قوتادغو بیلیکده ایچینده یئتیشدیگی اورتامین علمی و فلسفی تجروبهسی حاقیندا اؤنملی بیلگیلر وئرن یوسف خاص حاجب، 11.جی عصرده تورکجهنی بیلیم دیلی اولاراق ائتکیلی شکیلده قوللانمیشدی
قیرقیزیستان مرکز بانکی، یوسف خاص حاجبین(بالاساغونلو) دوغومونون 1000.جی ایلدؤنومو مناسیبتیله باسدیغی گوموش پولو کلکسیونچولار اوچون ساتیشا سوندو.
28،88 گرام آغیرلیغیندا و 38،61 گئنیشلیگندکی گوموش پول، 3 مین 420 سومدان (تخمینا 50 دلار) ساتیشا سونولدو.
مین عدد باسیلان پولون اوزرینده یوسف بالاساغونلو، بورانا بورجو، تانری داغی و کاشغار شهریندکی آنیدین شکیللری وار. سککیز بوجاقلی شکلیندکی پولون اطرافیندا "موتلولوق وئرن بیلگی" معناسینی وئرن قوتادغو بیلیکدن بیر بؤلومه یئر وئریلیر.
اولوسلارآراسی تورک کولتور تشکیلاتی (تورکسوی)، قیرقیزیستانین تکلیفی اوزرینه 2016نی "یوسف خاص حاجب ایلی" اعلان ائتمیش، ایل بویونجا دوشونور اوچون چوخ ساییدا تدبیرلر و آنما مراسیملری تشکیل ائدیلمیشدی.
اورتا آسیادا اسلامیتی قبول ائدن ایلک تورک دؤولتی اولان قاراخانلیلارین باشکندی بالاساغوندا 1016.جی ایلده دونیایا گلن یوسف خاص حاجب، قوتادغو بیلیگی یازمیشدی. نصیحتنامه اولاراق دگرلندیریلن قوتادغو بیلیکده ایچینده یئتیشدیگی اورتامین علمی و فلسفی تجروبهسی حاقیندا اؤنملی بیلگیلر وئرن یوسف خاص حاجب، 11.جی عصرده تورکجهنی بیلیم دیلی اولاراق ائتکیلی شکیلده قوللانمیشدی. یوسف خاص حاجب، 1077ده کاشغار شهرینده وفات ائتمیشدی.