بؤیوک تورک دؤولتی قاراخان‌لی‌لارین شاه اثرلری
قارلی تانری داغی‌نین و یاشیل چوُی دره‌سی‌نین طبیعی گؤزل‌لیگینی بزه‌ین بورانا بورجونون اولدوغو بؤلگه‌ده ائدیلن آرکئولوژیک قازینتی‌لاردا داش دییرمانی، اکینچی‌لیکده ایستیفاده ائدیلن داش آلت‌لرین کشف ائدیلدیگی بیلینیر
اورتا آسیادا مین ایل اؤنجه اسلامی قبول ائدن ایلک تورک دؤولتی قاراخان‌لی‌لار دؤورونه عاید میناره، بورج و توربه‌لر دؤورون مدنیتی و معماریسینه ایشیق توتور.
قیرقیزیستانین قوزئیینده و گونئیینده 840-1212 تاریخ‌لرینده تورکوستان و ماورالنهرده حاکیمیت قوران قاراخان‌لی‌لار دؤورونده اینشا ائدیلن اثرلر، آغ کرپیج‌دن قیرمیزی کرپیج معماریسینه گئچیدین ایزلرینی داشیییر و احتیشاملارییلا گؤز قاماشدیریر.
تورک بوی‌لاری اوغوز، چیغیل، یاغما، اوز و آزلاردان اولوشان قاراخان‌لی‌لارا عاید بو اثرلر، گونوموزده یئرلی و خاریجی توریست‌لرین ماراق مرکزینده.
قیرقیزیستانین قوزئیینده توکموک (بالاساگون) و گونئیینده اؤزگن شهرلرینده ایکی باشکنده صاحیب قاراخان‌لی‌لار بورا‌لاردا یوزایللر اول اینشا ائتدیگی میناره، گؤزتلمه بورجو و توربه‌لر وار.
توکموک‌دا تاریخی و مدنی یئرلشکه‌ده 26 متر یوکسکلیگین‌دکی بارانا گؤزتلمه یورجو، سیرادیشی معماریسیله دیقت چئکیر.
قارلی تانری داغی‌نین و یاشیل چوُی دره‌سی‌نین طبیعی گؤزل‌لیگینی بزه‌ین بورانا بورجونون اولدوغو بؤلگه‌ده ائدیلن آرکئولوژیک قازینتی‌لاردا داش دییرمانی، اکینچی‌لیکده ایستیفاده ائدیلن داش آلت‌لرین کشف ائدیلدیگی بیلینیر.
قاراخان‌لی‌لار میراث بوراخدیغی، اؤزگن شهر مرکزینده اولان قیرمیزی کرپیج‌دن یاپیلمیش اؤزگن میناره‌سی، 27.4 متر یوکسکلیگینده.
فرقانه دره‌سی‌نین دوغوسوندا قارادریا چایی ساحیلینده آرکئولوژیک-معماری آچیق موزه ساحه‌سینده یئر آلان میناره، تاریخی ایپک یولونون اوستونده‌دیر.
میناره‌نین اولدوغو بؤلگه‌ده، قیرمیزی کرپیج‌دن یاپیلمیش قاپا‌لی بؤیوک توربه گؤزه دییر. بیتیشیک اوچ بؤلمه‌لی و تک گیریش قاپی‌سینا صاحیب توربه‌نین، قاراخان‌لی‌لار دؤورونده جؤکمدارلارا، عایله‌لرینه و مشهور شخص‌لره عاید اولدوغو سانیلیر. بورادا آپاریلان قازی ایشلرینده مین ایل اولین‌دن 60-آ یاخین اینسان قالیق‌لارینین اولدوغو بیلدیریلیر.
قاراخان‌لی‌لار 932.جی ایلده اسلامی قبول ائدن ایلک قاراخان‌لی حؤکمداری ساتوک بوغرا خان، تورک اسلام تاریخی‌نین بؤیوک شاعیری و دوشونورو یوسف خاص حاجیب، تورکوستان جغرافیاسیندا اسلام دینی‌نین یاییلماسینا بؤیوک قاتقی‌سی اولان امام سرخسی و تورکجه‌نین ایلک سؤزلوگو قبول ائدیلن دیوان لغات تورکو یازان کاشغارلی ماحمود کیمی مشهور شخصیت‌لری یئتیشدیردیگی بیلینیر.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
