دوغو تورکوستانلی توختییه "مارتین انالز اؤدولو" وئریلدی
چین خاریجی ایشلر باخانلیغی سؤزچوسو گینگ شوانگ، توختییه "مارتین انالز اؤدولو" وئریلمهسینی تنقید ائتدی
پکن، اویغور اؤزارک بؤلگهسینده دینی، مدنی و سیاسی باسقی اویقولاندیغی گؤروشونو ساووندوغو اوچون بؤلوجولوک سوچو ایله عؤمورلوک حبس جزاسینا محکوم ائدیلن اویغور تورکو ایلهام توختییه، سوئیسده اینسان حاقلاری اؤدولو وئریلمهسینه سرت تپکی گؤستردی.
چین خاریجی ایشلر باخانلیغی سؤزچوسو گینگ شوانگ، توختییه "مارتین انالز اؤدولو" وئریلمهسینی تنقید ائتدی.
گینگ، توختینین اینسانلاری یورددیشینا چیخماغا و دوغو تورکوستان بؤلوجو ائیلمچیلرینه قاتیلماغا مجبور ائتدیگینی ادعا ائتدی.
پکن رهبرلیگینین توختینین یارغیلانماسینی چین حقوقونا گؤره اله آلدیغینی ایفاده ائدن گینگ، چینین ایچ ایشلرینه و یارغی باغیمسیزلیغینا مداخیله ائدیلهبیلمهیهجیینی بیلدیردی.
اوست سویه بیرلشمیش میلتلر اینسان حاقلاری یوکسک کمیسری زید رعد الحسینین اؤدول مراسیمینه قاتیلماسینین بیرلشمیش ملتلر آنلاشماسینین ایلکه و آماجلارینا ضد اولدوغونو ادعا ائدن گینگ، چینین ایچ ایشلرینه مداخیله ائدیلدیگینی ساووندو.
ایلهام توختی، اویغور اؤزارک بؤلگهسیندکی اورومچو اورتا خالق محکمهسینده 2014.جو ایلده محاکیمه اولونموشدو. بو یارغیلاما، مطبوعاتا و اولوسلارآراسی گؤزلمچیلره قاپالی ائدیلمیشدی.
محکمهده حاقینداکی بوتون اتهاملاری رد ائدن توختی عؤمور بویو حبس جزاسینا چارپدیریلمیش و بوتون مال وارلیغینا ال قویولموشدو. چینین بو قراری، باشدا آوروپا بیرلیگی اولماق اوزره بیر چوخ اؤلکه طرفیندن قینانمیشدی.