ارمنیلرین باسقینی تلفاتلا سونوجلاندی
"ارمنی طرفی چوخ ساییدا ایتکی وئرهرک گئری چئکیلمهیه مجبور ائدیلیب"
سون گونلرده آذربایجان-ارمنستان جبهه خطینده گرگینلیک یاشانیر.
آذربایجان جمهوریتی ساوونما باخانلیغی سیتهسینده یئر آلان خبرده بئله دئییلیر: "سون گونلرده ارمنیستان سیلاحلی گوجلری بوتون جبهه بویوندا تخریبات کاراکترلی فعالیتلرینی گئنیشلندیرمهیه چالیشیر. بؤلگهدهکی حربی-سیاسی وضعیتدن ایستیفاده ائتمهیه چالیشان ارمنی سیلاحلی بؤلمهلری دسامبرین دؤردونه گئچن گئجه جبههنین چئشیدلی ایستیقامتلرینده مدافیهنین اؤن خطینده یئرلشن مؤوقعلریمیزه باسقین ائتمهیه جهد گؤستریبلر. سیلاحلی قووهلریمیزین بؤلمهلری دوشمنی قاباقجادان آشکار ائدهرک اونون حرکتینین قارشیسینی قطعیتله آلیبلار. ارمنی طرفی چوخ ساییدا ایتکی وئرهرک گئری چئکیلمهیه مجبور ائدیلیب. حاضیردا اونون ایتکیلرینین ساییسی دقیقلشدیریلیر. دوشمنله دؤیوشده سیلاهلی قووهلریمیزین بیر گیزیری یارالانیب. ایلک طبی یاردیم گؤستریلدیکدن سونرا یارالی عسگر طب موسیسهسینه آپاریلیب، ساغلیغینا هئچ بیر تهلوکه یوخدور و حکیملرین کنترلو آلتیندادیر. مدافیه ناظرلیگی بیلدیریر کی، اوردوموز بوتون جبهه بویو عملیات شرایطینه تام کنترل ائدیر و دوشمنین ایستنیلن حرکتینین قارشیسینی قطعیتله آلماغا حاضیردیر".
ایلگیلیلی خبرلر
بلینکن، جمهورباشقانی علییئوی تبریک ائتدی
آذربایجان جمهورباشقانی ایلهام علییئو ایله آمریکا خاریجی ایشلر باخانی آنتونی بلینکن تلفندا دانیشدی