دوخا تورکلرینه دستک

تورک امکداش‌لیق و کووردیناسیا آژانسی باشقان‌لیغی (تیکا)، موغولستانداکی دوخا تورک‌لری‌نین ائییتیمی اوچون اوناریم و دونانیم دستگی وئردی.
تیکا‌دان وئریلن آچیقلامادا، موغولستانین باشکندی اولانباتورا مین کیلومتر مسافه‌دکی هؤوس‌گؤل ویلایتی ساگان‌نوور ائلچه‌سین‌ده‌کی اوخولا، اوناریم و دونانیم دستگی وئریلدیگی ایفاده ائدیلدی.
مونقولستاندا اؤنم‌لی پروژه‌لره ایمضا آتان تیکا، قیشدا هاوانین اورتالاما - 35 در‌جه اولدوغو بؤلگه‌ده قار و کولکدن ضرر گؤرن مکتب‌لرده ائییتیم و اؤیرتیمین چوخ چتین شرط‌لر آلتیندا ائدیلدیگینی ایفاده ائتدی. تیکا طرفین‌دن گرچکلشدیریلن پروژه هم اؤیرنجیلر اوچون هم ده اؤیرتمنلر و دیگر وظیفه‌لی‌لر اوچون داها یاخشی شرط‌لرده و ایستی بیر اورتامدا ائییتیم و اؤیرتیم امکانی ساغلادیغینی آچیقلادی.
ساگان‌نوور مکتبی اؤیرنجی و گؤره‌ولی‌لری ایله ائلچه یئتکی‌لی‌لری پروژه‌نین گرچکلشدیریلمه‌سین‌دن اؤترو تیکا و تورکیه‌یه تشکر ائتدی.
توپلام 431 اؤیرنجینین ائییتیم گؤردوگو ساگان‌نوور مکتبینده، اؤیرنجی‌لرین اکثریتینی دوخا تورک‌لری اولوشدورورکن، 58 اؤیرتمن و گؤره‌ولی وظیفه یئرینه یئتیریر.