ایراندا تورکلر تحقیر اولونجا گونئی آذربایجان تورکلری آیاقلان
ایراندا یاشایان تورکلر بو گونلرده حیرصلی. حیرصین سببی ایران تلویزیوندا بیر پروقرامدا یئر وئریلن تورکلری تحقیر ائدیجی ایفادهلر. آلچالدماغا و آیری-سئچکیلیگه عصیان ائدن تورکلر، کوچهلره تؤکولهرک اعتراضلارینی گؤستردیلر
گونئی آذربایجان تورکلری آیاقدا. ایران تلویزیونونداکی تورکلری آشاغیلایان ایفادهلره گؤستریلن اعتراضلار سوسیال مئدیادان کوچهیه داشدی. دونن 1394 گونش ایلی آبان آیینین 18-ی (09.11.2015) بیر چوخ شهرده تشکیل ائدیلن گؤستریلرده تورکلره یؤنلیک آلچالدیجی و آیری-سئچکیلیک رفتارلار اعتراض ائدیلدی.
ایراندا یاشایان تورکلر بو گونلرده حیرصلی. حیرصین سببی ایران تلویزیوندا بیر پروقرامدا یئر وئریلن تورکلری تحقیر ائدیجی ایفادهلر. آلچالدماغا و آیری-سئچکیلیگه عصیان ائدن تورکلر، کوچهلره تؤکولهرک اعتراضلارینی گؤستردیلر.
ایران پولیسیندن آغیر موداخیله
سوسیال میدیادا پایلاشیلان و بؤلگهدن گلن خبرلره گؤره باشدا تبریز، اورمیه، تهران، زنجان، اردبیل، مراغه و شیرازدا قاشقای تورکلری اولماقلا بیرلیکده بیر چوخ شهرده بو اعتراض گؤستریلری مدنی شکیلده ائدیلدی. آما تبریز و اورمیه شهرلرینده گؤستریچیلره پولیس باتوملا آغیر موداخله ائدیب و بیر نئچه نفرین یارانماسینا سبب اولماسی گلن خبرلر آراسیندا.
بواعتراضلاردا گؤستریچیلر طرفیندن " آذربایجان ییخیلماز، تورکون بئلی بوکولمز " و " هارای هارای من تورکم" و " تورک دیلینده مدرسه اولمالیدیر هرکسه" و... شعالار وئریلدی و پلاکارتلار داشیندی.
گونئی آذربایجان تورکلرینین اعتراض سببی
ایرانین رسمی بیر دولت کانالیندا یایینلانان "فیتیل" آدلی اوشاق پروقرامینین کئچن جمعه گونکو بؤلومونده، هوتلین پیس قوخوماسیندان شیکایتچی اولان و آذربایجان تورکجهسی دانیشان بیر شاتا- اوغولا، هوتل رسپسیون ایشچیسینین آتا-اوغولون دیشلرینی توالت فیرچاسییلا تمیزلدیگی یؤنونده ایماسی، اؤلکهدکی تورکلرین اعتراضینی چکدی.
اعتراضلارین آرتماسی اوزرینه ایران رادیو تلویزیون مودیری محمد سرفراز، ائتدیگی یازیلی آچیقلامادا، ایران آذریلریندن عذر ایستهدی. سرفراز، سؤز موضوعسو پروقرامین یؤنتیچیلریندن بعضیلرینین وظیفهدن آلیندیغینی بیلدیردی.
پروقرامین اویونچولاری محمد موسلیمی، آعی فروتن و حامد گولی ده، ائتدیکلری آچیقلامادا، آذربایجانلیلاری کیچیک سالماق کیمی بیر هدفلرینین اولمادیغینی و اونلارین دا آذری اولدوغونو ایفاده ائدهرک، ایران آذریلریندن عذر دیلدیکلرینی ایفاده ائتدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.