آذربایجان جمهوریتی 24 ایل اؤنجه یئنیدن موستقیللیگینه قوووشدو
موستقیللیگینین ایلک ایللرینده اؤلکه چوخ چتینلیکلرله اوزلشدی. نهایت اؤلکهده کاوس و آنارشی، میللتده حؤکم سورن اقتصادی، سیاسی و معنوی پسیکولوژی گرگینلیگی آرادان قالدیردی و موستقیل آذربایجان جمهوریتی گوجلو اساسلار اوزرینده یئنی اینکیشاف خطینی توتدو
آذربایجان 24 ایل اؤنجه یئنیدن موستقیللیگینه قوووشدو
اوکتوبرین 18-ی آذربایجانین دولت موستقیللیگی گونودور.
ایگیرمی دؤرد ایل اوّل آذربایجان جمهوریتی عالی سووئت دولت موستقیللیگی حاقیندا آنایاسا متنی قبول ائتدی. اوکتوبرین 8-ینده ایشه باشلایان جلسه مسئلهنی 4 گون موذاکیره ائتسه ده، قرار وئرمگی بیر هفته سونرایا ساخلادی. نهایت، 1991-جی ایل اوکتوبرین 18-ده تاریخی سند قبول ائدیلدی.
1991-جی ایلده آذربایجان جمهوریتینده دسامبرین 29،ندا خالقا سس وئرمهسی کئچیریلدی. رفراندوم بلگهسینده بیر سوال یازیلمیشدی: "سیز" آذربایجان جنهوریتینین دولت موستقیللیگی حاقیندا "آذربایجان جمهوریتی عالی سووئتینین قبول ائتدیگی آنایاسا طرفدارسینیز می؟". آذربایجان خالقی یئکدیللیکله آذربایجان جمهوریتینین دولت موستقیللیگینه طرفدار چیخدی.
1992-جی ایلین می آییندا میللی مجلیس طرفیندن آذربایجان جمهوریتینین دولت مارشی (موسیقیسی اوزئییر حاجی بی اووون، سؤزلری احمد جاوادین)، آز سونرا اوچ رنگلی بایراق، ایچینده آلوو اولان سککیز گوشهلی اولدوز تصویرلی دولت نشانی تصدیق ائدیلدی.
موستقیللیگینین ایلک ایللرینده اؤلکه چوخ چتینلیکلرله اوزلشدی. نهایت اؤلکهده کاوس و آنارشی، میللتده حؤکم سورن اقتصادی، سیاسی و معنوی پسیکولوژی گرگینلیگی آرادان قالدیردی و موستقیل آذربایجان جمهوریتی گوجلو اساسلار اوزرینده یئنی اینکیشاف خطینی توتدو. آذربایجانی موسلمان شرقینده ایلک دموکراتیک جمهوریت اولان دولتدیر.
1991-جی ایل اوکتوبرین 18-دن آذربایجان ایستیقلال، اگمن بیر اؤلکهدیر و خالق بونو بیر بایرام کیمی قید ائدیر.
آذربایجان جمهورتی نین بو موستقیللیغی و اگمنلیگی اوغورلو و ابدی اوسون