اؤزبکیستاندا، 20-جی داشکند توریزم سرگیسی آچیلدی
تورکیهنین قورور قوناغی اولدوغو سرگییه، ایسپانیا، ایتالیا، چک جمهوریتی، ایران، میصیر، مالازی، بیرلشیک عرب امیرلیکلری و تورکیهنین ده آرالاریندا اولدوغو 30 اؤلکهدن توریزم شیرکتی و آژانسلاری قاتیلدی
داشکند توریزم سرگیسی
اؤزبکیستاندا، 20-جی داشکند توریزم سرگیسی آچیلدی.
دونیا توریزم تشکیلاتینین دستگی ایله اؤزبک توریزم تشکیلاتی طرفیندن تشکیل ائدیلن سرگی چوخ ماراق گؤرور.
تورکیهنین قورور قوناغی اولدوغو سرگییه، ایسپانیا، ایتالیا، چک جمهوریتی، ایران، میصیر، مالازی، بیرلشیک عرب امیرلیکلری و تورکیهنین ده آرالاریندا اولدوغو 30 اؤلکهدن توریزم شیرکتی و آژانسلاری قاتیلدی.
تورکیه سرگییه اون بیرینجی دفعه قاتیلدی.
سرگییه قاتیلان مدنیت و توریزم باخانینین معاوینی عبدالراحمان آریجی، اؤزبکیستانین توریزم ساحهسینده ویزا آسانلیقلاری تامین ائتمهسی و بورا تییاره سفرلرینین آرتماسییلا تورک توریستلرین سایسینین دا آرتاجاغینی ایفاده ائتدی.
تورک هاوا یوللاری داشکند نمایندهسی اوکتای هایرات دا اؤزبکیستانا ایکی ایلدیر اوست اوسته ان چوخ توریست داشییان هاوا یولو اولدوقلارینی سؤیلهدی.
تورکیه غرفهسی، سرگیده ان چوخ ماراق گؤستریلنلر آراسیندا ایدی.
اؤزبکیستاندا 1995-جی ایلدن بری هر ایل تشکیل ائدیلن داشکند توریزم سرگیسی، اوچ گون داوام ائدهجک.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.