تورکیهدن تورکمنلر کؤمک
عراقدا باشدا تورکمنلر اولماق اوزره ائولرینی ترک ائدن خالقا تورکیهدن یاردیملار داوام ائدیر
عراقدا باشدا تورکمنلر اولماق اوزره ائولرینی ترک ائدن خالقا تورکیهدن یاردیملار داوام ائدیر .
تورک قیزیلآیینین کووردینه ائتدیگی یاردیملار کرکوک، سینوار، اربیل، دوهوق و طوزخورماتو کیمی بؤلگهلرده اونلارجا عائلهیه و قاچقین کمپینه چاتدیریلدی. عراقدا ایشیدین ایرلیلهییشی ایله بیرلیکده اونلارجا تورکمن ده یاشادیغی یئرلری ترک ائتمک مجبوریتینده قالدی. تورکمنلر طوزخورماتودان دوهوقا؛ سینجاردان اربیله قدر اوزانان گئنیش بیر جغرافیایا سیغیندی. تورک قیزیلآیی ایسه ۲۰ ژوئندن بو یانا بؤلگهدکی کؤمک ایشلرینی داوام ائتدیریر. بو آنا قدر کؤمک ملزمهلرینی داشییان ٤۷ تریلر بؤلگهیه چاتدیریلدی. تریلرلرده قیدا، گئییم و تمیزلیک ملزمهلری وار.
یاردیملارین پایلانماسی بایرام بویونجا دا سوردو. عراق انسانی یاردیم عملیاتی قروپ باشقانی اومید تورکآرسلان ترت آراچیلیغی ایله بؤلگهیه یاردیملارین سورجیینی ده بیلدیردی. ائولرینی ترک ائتمیش اولان تورکمنلر ایسه گلن یاردیملار اوچون تشکر ائدیرلر.