پروفسور دوکتور جواد هیئت، باکیدا بیر خستهخانا انتیقال ائدیلدی
اونون فیزیکی وضعیتینین یاغشی اولمادیغی بیلدیریلدی
پروفسور دوکتور جواد هیئت، باکیدا بیر خستهخانا انتیقال ائدیلدی.
اونون فیزیکی وضعیتینین یاغشی اولمادیغی بیلدیریلدی.
جرّاح، تورکولوژیست، تاریخچی و وارلیق درگیسینین سوروملو مودورو پروفسور دوکتور جواد هیئت، بیر نئچه گوندور آذربایجان جمهوریتی باشکندی باکیدا "مرکزی کلینیک" خستهخاناسندادیر.
دوکتور جواد هیئتین عایلهسیندن و معنوی اوغلو اولان دوکتور محمد رضا هئیتین سؤیلهدیکلرینه گؤره، تخمینن بیر آی اؤنجه تهرانین "هلال احمر" جادهسیندکی دوشمه حادیثهسیندن سونرا دوکتورلار و یاخینلاری طرفیندن آلینان قرارین آردیندان، بو مشهور آذربایجان شخصیتی، باکییا گؤندریلدی.
دوکتور هیئتین خسته لیگینین سون دورومو حاقیندا تورکیه خبر آژانسلارینین بیرینه
بیلگی وئرن محمد رضا هئیت، جواد هئیتین جسمی وضعیتینین گؤتولشدیغینی بیلدیرهرک سؤیلهدی: آذربایجانلی دوکتورلار اللریندن گلن بوتون چابالاری گؤستریرلر.
دوکتور محمد رضا هئیت سؤزلرینه بونلاری علاوه ائتدی:
باکیدا "مرکزی کلینیک" خستهخاناسینا قالدیریلان پروفسور جواد هیئتی تورکیه جمهور باشقانلیغی تکلیفی ایله تورکیه عاجیل یاردیم اوچاغی ایله دوکتورو آنکارانین تام تجهیزاتلی خسته خانالاریندان بیرینه گتیریلمسی قرارلاشدیریلمیش اما دوکتورون فیزیکی پیسلشمهسی سببی ایله سون آندا آذربایجان دوکتورلاری بو انتیقالین ممکون اولامایاجاغینی سؤیلهمیشلر و دوکتورلارین تورکیهدن آذربایجانا گؤندریلمهسی قارلاشدیریلمیشدیر.
محمد رضا هیئت سؤزلرینین داوامیندا سؤیلهدی: پروفسور دوکتورهیئتین جیسمانی وضعیتینین یاخشیلاشماسی قونوسوندا خوش خبرلر گؤزلمکله بیرلیکده بوتون آذربایجان خالقی و سئونلریندن دوکتورون ساغلیغینا قووشماسی وعاجیل شیفاسی اوچون دعا ائتمهلرینی خاهیش ائدیریک.
پروفسور دوکتور جواد هیئت مرحوم علی هیئت، مجتهد و ایران عالی محکمهسینین کئچمیش باشقانینین اوغلو.
او، 1304-جی ایلده خرداد آینین دؤردونده تبریزده آنادان اولدو و آذربایجان و ایران و تورک دونیاسینین ان مشهور، علم و مدنیت شخصیتلریندن بیریدیر.
پروفسور دوکتورهیئت قلم اوستادلاریندان بیری اولاراق تانینیر.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک