تاریخده بو گون
۱۱ فوریه ۲۰۱۹
۱۱ فوریه ۱۶۵۰ ... فرانسالی ریاضیاتچی، بیلیم آدامی و فیلوسوف رنه دکارت اؤلدو. باتی فلسفهسینین ان اؤنملی آدلاریندان اولان دکارت، گنجلیک ایللرینده ژزوئیتلر طریقتیندن آلدیغی فلسفه و ریاضیات درسلری ایله دوشونجه سیستمینین تمللرینی آتدی. ۱۶ ایل بویونجا ائتدیی گزینتیلرین سونوندا، او دؤورون ان گئنیش ایفاده اؤزگورلویونه صاحب اؤلکهسی هلنده یئرلشدی. شبهه و دوشونمه اوزرینه اینکیشاف ائتدیردیگی فلسفهسینی "دوشونورهم، او حالدا واریم" سؤزو ایله اؤزتلهدی. سوئد کرالیچهسی کریستینانین دعوتی اوزرینه گئتدیگی استکهلمدا چتین قیش شرطلری سببیله جییرلرینده خستهلنهرک اؤلدو.
...
اینگیلیس ایختیراچی روبرت فولتون، ۱۱ فوریه ۱۸۰۹ تاریخینده بوخارلی گمینین ثبت حاقینی آلدی. گنجلیگینده رسمه ماراق دویان آنجاق داها سونرا رسمی بوراخیب مهندسلییه یؤنهلهن فولتون؛ مرمر کسمه ماشینی، کندیر هؤرمه ماشینی کیمی اختراغلارین ثبت حاقینی آلدیقدان سونرا ۱۷۹۷.جی ایلده پاریسه گئتی. فرانسادا، اوزون زاماندیر حاضیرلادیغی بوخارلی گمی اوزرینه ایشلرینی داوام ائتدیرهن فولتون، ۱۸۰۳.جو ایلده ایلک گمیسینی دنیزه ائندیردی. آنجاق بو گمی فرانسیز حکومتیندن ماراق گؤرمهدی. بیر نئچه ایل سونرا آمریکایا گئتدی و ایشینی تست ائتدی. فولتونون گمیسی یئلکهن و یا کۆرک ایستیفاده ائدیلمهدن سودا ایرلیلهیهن ایلک گمی اولدو و آمریکا حکومتی طرفیندن ماراق گؤردو. فولتون، ۱۸۱۵.جی ایلده، آمریکا حکومتینین ایستهگی ایله ایلک بوخارلی ساواش گمیسینی ده اورتدی.
...
۱۱ فوریه ۱۹۶۵ ... یئنی آدانا قزئتی، دونیا مطبوعات باشاری اؤدولونو قازاندی. تاریخ ۲۵ دسامبر ۱۹۱۸. ۱.جی دونیا ساواشی بیتمیش، عثمانلی ایمپراتورلوغو مغلوب اولموش و ائدیلهن آنلاشمالارلا تورپاقلاری پایلاشیلمایا باشلانمیش. تورکیهنین گونئیینده یئرلشهن آدانا و اطرافی فرانسیزلارجا ایشغال ائدیلمیش. ایشده بو ایشغالدان ۵ گون سونرا وطن تورپاقلارینی مدافعه ائتمهیی یاشلادان بیر قزئت نشر اولونماغا باشلاییر؛ "آدانا قزئتی". البته کی قزئت، فرانسیزلارین تپکیسینی چکر و ۳ سایی سونرا قاپادیلیر. بو ایشغالی اصلا قبول ائتمهیه نیتی اولمایان قزئت صاحبلریاحمد رمزی بی ایله یوزگاتلی یدک سوبای محمد عونی دوغان، ۵ گون سونرا بو دفعه "یئنی آدانا قزئتی" آدی ایله یایین حیاتینا گیررلر. حاقلاریندا یاخالاما قرارلاری چیخاردیلار، مطبعهلر باغلانیلیر. آنجاق اونلار باشقا شهرلره گئدرلر و قزئتلرینی چیخارماغی باجاریرلار. یئنی آدانا قزئتی، قورتولوش مباریزهسی وئرهن خالقا آنادولودا اولانلاری دویورور.
ایشده بو قزئت، ۱۹۶۵.جی ایلده، آمریکا قزئت صاحبلری بیرلیگی وقفینین آمریکا و کانادا دیشیندا یاییملانان قزئتلره وئریلمک اوزره پایلانان دونیا مطبوعات باشاری اؤدولونو آلیر. بو اؤدولو آلان ایلک و تک تورک قزئتی اولاراق تاریخه گئچر.
...
۲۰۰۶.جی ایلین ۱۱ فوریهسینده آلمان آرکئولوگلار، شانلی اورفاداکی گؤبکلی تپهده، اینسانلیغین ان اسکی خبر سیستمی اولاراق تانیملادیقلاری و گونوموزده ایستیفاده ائدیلهن یازینین ایلکل بیچیمی اولان ایشارهلر تاپدیلار. شانلی اورفایا باغلی اؤرنجیک کندی یاخینلیغیندا یئر آلان دونیانین بیلینهن ان اسکی دینی یاپیلاریندان اولان گؤبکلی تپه ایله ایلگیلی آراشدیرمالار هله ده داوام ائتمکدهدیر.
ایلگیلیلی خبرلر
تاریخده بو گون : 22 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تاریخده بو گون: 21 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.