تاریخده بو گون
۴ فوریه ۲۰۱۹
۴ فوریه ۱۷۸۳...آمریکانین مستقیللیک ساواشی: بؤیوک بریتانیا، آمریکا بیرلشمیش ایالتلری ایله اولان دوشمنچیلیینه سون وئردیگینی رسما اعلان ائتدی.
...
۴ فوریه ۱۷۸۹...جورج واشینگتون آمریکانین ایلک پرزیدنتی سئچیلدی. ۴ فوریه ۱۷۹۲.جی ایلده واشینگتون ایکینجی دفعه پرزیدنتلییه سئچیلدی.
...
۴ فوریه ۱۷۹۴...فرانسا موستملکهلرینده کؤلهلیگی قاداغان ائتدی. فرانسا ۱۸.جی عصرده قوزئی آمریکا ایالتلرینین کؤلهلییه قارشی گتیردیگی محدودیتلردن اسینلهنرک بوتون مستملکهلریندن کؤلهلیگی قالدیردی. آنجاق بو قرار اوزون سورمهدی. ۱۸۰۲.جی ایلده ناپلئون بناپارت کؤلهلیک رژیمینه یئنیدن گئری دؤنولمهسینه قرار وئردی.
...
۴ فوریه ۱۸۷۱...شیخ شامیل وفات ائتدی. قافقاز خالقلارینین جسارتیله مشهور اولموش میلی قهرمانی شیخ شامیل حج زیارتی اوچون گئتدیگی عربیستاندا وفات ائتدی. شیخ شامیل گنج یاشلاریندان اعتباراً قافقاز خالقینین روسیا قارشیسینداکی آزادلیق مباریزهسینین لیدئری اولدو.
...
۴ فوریه ۱۹۴۵...یالتا کنفرانسی توپلاندی. سووئتلر بیرلیگینین یالتا شهرینده آمریکا؛ اینگیلتره و روسیا بیر آرایا گلدی. ایکینجی دونیا ساواشی زامانی توپلانان کنفرانسدا ساواشین سونوندا آلمانیانین مغلوب ائدیلمهسی ایله یاراناجاق شرطلر مذاکیره اولوندو. آلمانیانین ساواشدان سونرا ایشغال ائدیلمهسی، نازیسمین آرادان قالدیریلماسی و آلمان اوردولارینین داغیدیلماسی قرارا آلیندی.
...
۴ فوریه ۱۹۵۷...ایلک نوکلئر سوآلتی گمیسی اولان یواساس ناتیلوس (اساسان-۵۷۱)، سو اوزونه هئچ چیخمادان ۶۰،۰۰۰ دنیز میلی گئدهرک، ژول وئرنین مشهور رومانی "دنیزلر آلتیندا ۲۰،۰۰۰ فرسخ"دهکی خیالی ناتیلوس سوآلتی گمیسینین دایانیقلیغینی حیاتا گئچیرمیش اولدو.
...
۴ فوریه ۲۰۰۴...فیسبوک، هاروارد اونیورسیتهسینین اؤیرنجیسی مارک زاکربرگ طرفیندن قورولدو. گونوموزده فیسبوک، دونیانین ان چوخ قوللانیلان سایتلاریندان بیریدیر.
ایلگیلیلی خبرلر
تاریخده بو گون : 22 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تاریخده بو گون: 21 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.