تاریخده بو گون
۱ فوریه ۲۰۱۹
۱ فوریه ۱۹۷۹ ایران ایسلام اینقیلابینین روحانی لیدئری آیت الله خمینی سورگون‌ده اولدوغو فرانسادان ایرانا قاییتدی. ایللرجه سورن سورگون حیاتین‌دان سونرا ایران‌دا گؤرکم‌لی بیر مراسیمله قارشیلاندی. خمینی سیاسی دوشونجه‌لرین‌دن دولایی ۱۹۶۴.جو ایلده سورگون ائدیلمیش و سورگونون ایلک ایلینده تورکیه‌ده بورسادا قالمیشدی. ایران‌دا محمد رضا پهلوی رژیمینه سون وئریب ایسلام جمهوریتینی قوران و اینقیلاب‌دان سونراکی بوتون دینی صلاحیتلری الین‌ده توتان شیعه لیدئر خمینی، اون ایل بویونجا اینقیلابین رهبرینی ده یئریتدی.
...
۱۹۸۸-۱۹۸۹ مؤوسومون‌ده تورکیه بیرینجی لیگینده آتدیغی ۳۹ گللا آوروپا گل کرالی اولان گالاتاسارای‌لی تانژو چولاق، ۱ فوریه‌ده مونت کارلودا تشکیل اولونان بیر مراسیمله قیزیل آیاققابی اؤدولو آلدی. تانژو، قیزیل آیاق قابی قازانان ایلک تورک فوتبال‌چی اولدو. فوتبالا سامسون یول اسپوردا باشلایان تانژو چولاق، فنرباخچا و گالاتاسارایلا ۵ دفعه تورکیه فوتبال لیگی گل کرالی اولدو. ۲۴۰ گللا تورکیه‌ده ان چوخ گل ووران ۲.جی فوتبال‌چی اولان تانژو چولاق ۳۱ دفعه ده تورک میللی تیمینده فورما گئیدی.
...
تورکیه‌ده راک موسیقینین اؤنچولرین‌دن، آنادولو راکین یارادیجیلاری آراسین‌دا ساییلان باریش مانچو ۱ فوریه ۱۹۹۹ تاریخین‌ده، ائوین‌ده گئچیردیی اورک سکته‌سی نتیجه‌سینده، قالدیریلدیغی خسته‌خانادا وفات ائتدی.
بسته‌له‌دیگی ۲۰۰ون اوزرین‌ده‌کی ماهنی‌سی، اؤزونه اون ایکی قیزیل و بیر پلاتین آلبوم و کاست اؤدولو قازاندیردی. بو ماهنیلارین بیر بؤلومو داها سونرا عربجه، ژاپنجا، فلمنکجه، آلمانجا، فرانسیزجا، ایبرانیجه، اینگیلیزجه، بولغارجا و یونانجا اولاراق اوخوندو. حاضیرلادیغی تلویزیون پروگرامی دونیانین بیر چوخ اؤلکه‌سینه گئتدی و بو سببله "باریش چلبی" اولاراق آدلاندیریلدی.
ایلگیلی‌لی خبرلر
تاریخده بو گون : 22 ژانویه
تاریخین بو گونو هارادا نلر باش وئریب، کیم‌لر خاطیرلانیر؟ قیساجا نظر سالاق.
تاریخده بو گون: 21 ژانویه
تاریخین بو گونو هارادا نلر باش وئریب، کیم‌لر خاطیرلانیر؟ قیساجا نظر سالاق.