دؤیمه دؤیدورمه لنف سرطانی ریسکینی آرتیریر
آراشدیرماچیلار، دؤیمه دؤیدورن شخصلرین لنف سرطانینا یاخالانما ریسکینین، دؤیدورمه‌یه‌نلره گؤره یوزده ۲۱ داها چوخ اولدوغونو معین ائتدی
دؤیمه دؤیدورنلرین لنف سرطانینا توتولما ریسکینین یوزده ۲۱ داها چوخ اولدوغو اورتایا قویولدو.
سوئیسده‌کی لوند اونیوئرسیته‌سینده آراشدیرماچیلار، اؤلکه‌ده ۲۰۰۷-۲۰۱۷ ایللرینده لنف سرطانی تشخیصی قویولان ۲۰ ائله ۶۰ یاشلارینداکی ۱۱ مین ۹۰۵ نفرین بیلگیلریندن فایدالاناراق، دؤیمه دؤیدورمه‌نین سرطانلا باغلانتیسینی آراشدیردی.
آراشدیرماچیلار، دؤیمه دؤیدورن شخصلرین لنف سرطانینا یاخالانما ریسکینین، دؤیدورمه‌یه‌نلره گؤره یوزده ۲۱ داها چوخ اولدوغونو معین ائتدی.
دؤیمه اوچون ایستیفاده ائدیله‌ن مورکبین کانسروژن شیمیایی ماده‌لر احتیوا ائتدیگینی ایفاده ائد‌ن آراشدیرماچیلار، بو شیمیایی ماده‌لرین دؤیمه سیراسیندا دری سدینی دلره‌ک بد‌نه گیردیگینی و سرطانا توتولما ریسکینی آرتیردیغینی بیلدیردی.
دؤیمه‌نین بؤیوکلوگو ایله سرطانا توتولما آراسیندا باغلانتی اولمادیغینی بیلدیرن آراشدیرماچیلار، اؤلچوسو نه اولورسا اولسون دؤیمه‌نین بد‌نده التهابی باشلاداراق لنف سرطانینا توتولما ریسکینی آرتیردیغینی ایفاده ائتدی.
آراشدیرمانین نتیجه‌سی، "ساینس دایرکت" آدلی اینترنت سایتیندا یاییملاندی.
