بنگلادشده رمال سیکلون قاسیرغاسی

بنگلادش ساحیللرینه تأثیر ائدن رمال سیکلون قاسیرغاسی سببیندن 800 میندن چوخ اینسان تخلیه ائدیلیب.

طبیعی فلاکتلرین اداره اولونماسی اوزره ناظیر، موهیبور رحمان مطبوعات کونفرانسیندا بیلدیریب کی، قاسیرغا نتیجه‌سینده ایندییه‌دک 800 میندن چوخ اینسان تهلوکه‌سیز اراضیلره تخلیه ائدیلیب.

ساحیل قصبه‌لرینده یاشایان اینسانلاری تهلوکه‌سیزلیکلری اوچون تعجیلی اولاراق تخلیه مرکزلرینه گئتمه‌یه چاغیران ناظیر رحمان، "فیرتینا ایله موباریزه اوچون بوتون حاضیرلیقلاری گؤردوک. هر کس تعلیماتلارا عمل ائدرسه‌، اومید ائدیریک کی، بو فلاکتله اوغورلا موباریزه آپارا بیلجَییک." دئدی.

رحمان قید ائدیب کی، 8-9 میندن چوخ سیغیناجاق حاضیرلاییب، اونلاری کیفایت قدر قورو قیدا، بیسکویت، سو و طبی لوازیماتلا تامین ائدیبلر.