آمریکادا قاسیرغادا 11 نفر اؤلوب
فیرتینا نتیجهسینده تگزاسدا 7، آرکانزاس و اوکلاهوما ایالتلرینین هر بیرینده ایسه ۲ نفرین اؤلدویونو آچیقلانیب
2144603
![آمریکادا قاسیرغادا 11 نفر اؤلوب](http://cdn.trt.net.tr/images/xlarge/rectangle/1110/0702/a2cb/5e9553d4a7fcb.jpg?time=1722046309)
آمریکانین تگزاس، اوکلاهوما و آرکانزاس ایالتلرینه تأثیر ائدن قاسیرغادا 11 نفر اؤلوب.
تگزاسین کوک بؤلگهسینین شریفی، رئی ساپینگتون ایالته تأثیر ائدن فیرتینا ایله باغلی آچیقلامالار وئریب.
حیاتینی ایتیرنلردن 3-نون عینی عائلهدن اولدوغونو بیلدیرن ساپینگتون، فیرتینادا چوخ سایدا اینسانین یارالاندیغی معلوماتینی پایلاشیب.
آختاریش-خیلاص ائتمه ایشلرینین داوام ائتدیگینی بیلدیرن ساپینگتون، اؤلنلرین سایینین آرتاجاغی ایله باغلی ناراحاتلیقلارین اولدوغونو بیلدیریب.
مسئوللار فیرتینا نتیجهسینده تگزاسدا 7، آرکانزاس و اوکلاهوما ایالتلرینین هر بیرینده ایسه ۲ نفرین اؤلدویونو آچیقلاییب.
مسئوللار همچینین الکتریک خطلرینه و ائولره زیان دَیدیگینی بیلدیریبلر.