قازاقیستانداکی داشقینلاردا سون دوروم
ارییهن قار سببی ایله ۱۰ ایالتده ۳ میندن چوخ ائو سو آلتیندا قالدی، قورو یوللاری و کؤرپولر باشدا اولماق اوزره نقلیات آلت یاپیسی زیان گؤردو
قازاقیستاندا، قارلارین اریمهسی ایله میدانا گلن داشقینلاردان تأثیرلنهن بؤلگهلردن ۱۰۰ میندن چوخ اینسان قورتاریلدی.
ارییهن قار سببی ایله ۱۰ ایالتده ۳ میندن چوخ ائو سو آلتیندا قالدی، قورو یوللاری و کؤرپولر باشدا اولماق اوزره نقلیات آلت یاپیسی زیان گؤردو.
سئل سببی ایله باتی قازاقیستان، آترائو، آکتؤبه (آغتپه)، کوستانآی، پاولودار، آکمولا، کاراغاندی و اولوتاو ایالتلرینده یئرلی اؤلچکده اولاغان اوستو حال اعلان ائدیلدی.
عاجیل دوروملار باخانلینیدان وئریلهن آچیقلامایا گؤره، سئل بؤلگهلریندن چیخاریلان وطنداش ساییسی ۱۰۰ مینی آشدی. تخمیناً ۸ مین ۵۰۰ نفر ده گئچیجی سیغینما مرکزلرینه یئرلشدی. سو آلتیندا قالان کندلردن ۸۱ مین کیچیک و بؤیوک باش حیوان چیخاریلدی.
اؤلکهده گئجه گۆندوز سۆرهن تخلیه و سئلله موباریزه ایشلرینده، ۲۳ مین پرسنل وظیفه یئرینه یئتیریر.
اؤته یاندان سئلدن تأثیرلنهن بؤلگهلره ۱۳۴ تون اینسانی کؤمک چاتدیریلارکهن حکومت، سؤزو گئدن بؤلگهلرده یئنی ائو تیکهجکلرینی و ضرر گؤرونلره خسارت اؤدمهیه باشلادیقلارینی بیلدیردی.