کؤچمنلر اوچون ان اؤلومجول ایل ۲۰۲۳ ایلی اولدو
اؤزللیکله آغ دنیز‌ده‌کی اؤلوم ساییسیندا اولان کسکین آرتیش سببی ایله گئچه‌ن ایل ۸ مین ۵۴۱ دۆزه‌نسیز کؤچمن حیاتینی ایتیردی
۲۰۱۴ ائله ۲۰۲۳ ایللری آراسیندا دونیادا ۶۲ مین ۲۸۵ دۆزه‌نسیز کؤچمنین اؤلدوگو یا دا ایتدیگی بیلدیریلدی.
مرکزی ژنو‌ده اولان اولوسلارآراسی کؤچ هؤرگوتو (IOM)نون ایللیک راپوروندا، سؤزو گئدن تاریخلرده اؤلدوگو و یا ایتدیگی دۆشونوله‌ن ۶۲ مین ۲۸۵ کؤچمنین ۲۸ مین ۸۵۴ونون آفریقا و یا آسیالی اولدوقلاری، بو شخصلرین آغ دنیزی گئچمه‌یه چالیشارکه‌ن حیاتینی ایتیردیگی بیلدیریلدی.
راپور‌دا، سؤزو گئدن و کؤچمنلردن کیملیگی تعیین اولونابیله‌نلرین اوچده بیریندن چوخونون افغانیستان، بورما، سوریه و اتیوپی کیمی سلاحلی چاتیشمالارین یاشاندیغی اؤلکه‌لرین وطنداشلاری اولدوغو ایفاده ائدیلدی.
بو آرادا، اولوسلارآراسی کؤچ هؤرگوتو بیلگیلری، سون اون ایلده کؤچمنلر اوچون ان اؤلومجول ایلین ۲۰۲۳ ایلی اولدوغونو اورتایا قویور.
اؤزللیکله آغ دنیز‌ده‌کی اؤلوم ساییسیندا اولان کسکین آرتیش سببی ایله گئچه‌ن ایل ۸ مین ۵۴۱ دۆزه‌نسیز کؤچمن حیاتینی ایتیردی.
