ژاپونیادا زلزله نتیجهسینده هلاک اولانلارین سایی آرتیر
ژاپونیانین باتیسینداکی ایشیکاوا ایالتینین نوتو یاریماداسینین ساحللرینده باش وئرن زلزلهلرده حیاتینی ایتیرنلرین سایی 64-ا یوکسلیب.
ژاپونیانین باتیسینداکی ایشیکاوا ایالتینین نوتو یاریماداسینین ساحللرینده باش وئرن زلزلهلرده حیاتینی ایتیرنلرین سایی 64-ا یوکسلیب.
ژاپونیا مئتورولوژی آژانسینین (JMA) معلوماتینا گؤره، ژانویهنین 1-ده و 2-ده ایشیکاوانین نوتو یاریماداسیندا و ساحللرینده 7.5 شدتی آراسیندا دییشن زلزلهلر باش وئریب.
بیلدیریلیب کی، زلزلهلردن سونرا اتوبان لار داغیلیب، بولگه ده بعضی تیکیلیلر سیرادان چیخیب، سو و الکتریک انرژیسینین وئریلیشینده فاصیلهلر یارانیب، بعضی کندلره نقلیاتین آپاریلماسی مومکون اولماییب.
ایشیکاوا ایالتینین والیسی بؤلگهدهکی زلزلهلرده 64 نفرین حیاتینی ایتیردیگینی آچیقلاییب. قئید اولونوب کی، بؤلگهدهکی یئرلی بلدیهلره داوام ائدن زلزلهلردن سونرا داغینتیلار آلتیندا خلاص اولونماغی گؤزلهین وطنداشلارین اولماسی بارهده معلومات داخیل اولوب.
ژاپونیانین باش ناظیری کیشیدا فومیوایالت والیسینین طلبی ایله بؤلگهیه گؤندریلن ژاپونیا اؤزونو ساوونما قوهلرینین (SDF) پرسنلینین سایینین 2 مین نفره چاتدیریلدیغینی آچیقلاییب. "بؤلگهلره یاردیمین چاتدیریلماسی داواملی شکیلده داوام ائدیر"، -دئیا کیشیدا قئید ائدیب.