آمریکاداکی یانغیندا اؤلنلرین ساییسی آرتیر
یانغینلار سببی ایله حیاتینی ایتیره‌نلرین ساییسینین ۹۹ نفره یوکسلدیگینی سؤیله‌یه‌ن هاوایی والیسی، اؤلو ساییسینین آرتماسینین گؤزله‌نیلدیگینی بیلدیردی
آمریکا بیرلشمیش دؤولتلرینین هاوائی ایالتین‌ده داوام ائدن مئشه یانغینلارین‌دا حیاتینی ایتیره‌نلرین ساییسی ۹۹ نفره یوکسلدی.
سی‌بی‌اس نیوز کانالینا دانیشان هاوایی والیسی جاش گرین، بؤیوک آدا و مائوئی آداسین‌دا داوام ائدن مئشه یانغینلارینا باغلی آچیقلامالار وئردی.
یانغینلار سببی ایله حیاتینی ایتیره‌نلرین ساییسینین ۹۹ نفره یوکسلدیگینی سؤیله‌یه‌ن گرین، اؤلو ساییسینین آرتماسینین گؤزله‌نیلدیگینی بیلدیردی.
گرین، بؤلگه‌ده آختارما قورتارما قروپلارینین داوام ائدن ایشلری سیراسین‌دا "گونده ۱۰ ایله ۲۰یه یاخین جسد تاپابیله‌جکلرینی" بیلدیررک اؤلو ساییسینین معین اولونماسینین ۱۰ گون آلابیله‌جگینی آچیقلادی.
یانغینلار سببی ایله یئری معین ائدیله‌بیلمه‌یه‌ن ۱۳۰۰ نفرین قروپلار طرفین‌دن هله آختاریلدیغینی دئین گرین، یانغینلاردان تأثیرلنه‌ن ساحه‌نین یوزده ۲۵ینده آختارما ایشلرینین بیتدیگینی ایفاده ائتدی.
گرین، ۱۲ مین نفرین یاشادیغی لاهاینا قصبه‌سینین هاراداسا هامیسینین یاندیغینی، ۴۰۲ هتل اوتاغی دا داخیل اولماق اوزره ۲ مین قدر ایقامتگاهین، ائولرینی ایتیره‌ن شخصلر اوچون حاضر حالا گتیریلدیگینی قید ائتدی.
مائوئی آداسی یئرلی مسئوللاری، یانغینلارین تخمیناً یوزده ۸۵ینین کنترل آلتینا آلینماسینا باخمایاراق هله داوام ائتدیگینی ایفاده ائد‌رک، یانغینلارین نئجه باشلادیغینین هله تایید ائدیله‌بیلمه‌دیگینی ایفاده ائتدی.
