"چؤککونلوک و قایغی سرطانا یول آچمیر"

چؤککونلوک/دپرسیون و قایغینین سرطانا یول آچمادیغی معین ائدیلدی.
هلندده گرونینگن اونیوئرسیته‌سینه باغلی خسته‌خانادان آراشدیرماچیلار، چؤککونلوک و قایغی ایله سرطان آراسین‌داکی ایلیشکینی آراشدیردی.
چالیشما چرچیوه‌سینده کانادا، اینگیلتره، نروژ و هلنددن ۳۰۰ مین یئتیشکینین بیلگیلری آنالیز ائدیلدی.
آراشدیرمادا، چؤککونلوک یا دا قایغیلانما ایله دؤش، کولون یا دا الکل ایله باغلانتیلی سرطان نؤوعلری آراسیندا ایلیشکی اولمادیغی بللی اولدو.
اؤته یاندان، چؤککونلوک یا دا قایغینین، آغ‌جییر کیمی سیگار ایله الکل قایناقلی سرطانلارین گلیشمه ریسکینی یوزده ۶ آرتیردیغینا، آنجاق بو ریسک فاکتورونون سیگار و ایچکی مصرف نیسبتی ایله بد‌ن کوتله اندکسی حسابا قاتیلینجا داها آشاغی اولدوغونا ایشاره ائدیلدی.
آراشدیرمانین نتیجه‌لری، آمریکا سرطان بیرلیگینین کنسر درگیسینده یاییملاندی.