ائکرانسیز اوتاقدا یاتماق یوخو کیفیتینی آرتیریر
ائدیله‌ن آراشدیرمادا، بو شخصلرین یوخو دوزه‌نی ایله تلفن و سوسیال مئدیا ایستیفاده‌سی آراسین‌داکی باغلانتی ایزله‌نیلدی
ائکرانسیز اوتاقدا یاتان ارگنلرین یوخو کیفیتی آرتیر.
نیوز مدیکالین خبرینه گؤره، آمئریکا بیرلشمیش دؤولتلرینین کالیفورنیا اونیوئرسیته‌سین‌ده ائدیله‌ن آراشدیرمادا، یوخو اؤنجه‌سی ائکران وردیشلری ایله یوخو کیفیتی آراسین‌داکی باغلانتی آراشدیریلدی.
۲۰۱۸-۲۰۲۰ دؤنمینده، یاشلاری ۱۰ ایله ۱۴ اولان ۱۰ مین ۲۸۰ نفر اوزرینده ائدیله‌ن آراشدیرمادا، بو شخصلرین یوخو دوزه‌نی ایله تلفن و سوسیال مئدیا ایستیفاده‌سی آراسین‌داکی باغلانتی ایزله‌نیلدی.
اوشاق ساغلیغی و ذهن گلیشیمی اوزرینده آمریکادا ائدیله‌ن ان گئنیش چالیشمالاردان بیری اولان آراشدیرمایا گؤره، یوخویا گئتمه پروبلئمی، یاتاق اوتاغین‌دا تلویزیون و یا اینترنت باغلانتیسی اولان بیر جیهاز ساخلاما دوروموندا یوزده ۲۷، تلفونون بیلدیریملرینین آچیق بوراخیلماسی دوروموندا ایسه یوزده ۲۳ آرتیر.
آراشدیرمادا، یاتمادان اؤنجه سوسیال مئدیا ایستیفاده‌سی، ویدئو اویونلاری اویناما، اینترنت‌ده آختارما ائتمه و فیلم، دیزی و ویدئو کلیپ ایزله‌مه کیمی دورومولارین دا یوخویا گئتمه پروبلئمینی آرتیران فاکتورلار آراسین‌دا اولدوغو ایفاده ائدیلدی.
ایزله‌نیله‌ن اوشاقلارین یوزده ۲۰سینین گئجه اویاندیقلارین‌دا تلفونلارینی و سوسیال مئدیا حسابلارینی کنترل ائتدیکلری بیلدیریلن آراشدیرمادا، بو وضعیتین یوخو پروبلئمینی یوزده ۳۴ آرتیردیغی قید ائدیلدی.
آراشدیرمایا قونو اولان اوشاقلارین یوزده ۱۵،۵ینین هفته‌ده بیر نئچه گون یوخویا گئتمه پروبلئمی یاشادیغی، یوزده ۱۶،۹ونون ایسه هفته‌ده ان آز بیر دفعه تلفون بیلدیریملریندن اؤترو یوخولارینین بؤلوندوگو بیلدیریلدی.
کالیفورنیا اونیوئرسیته‌سین‌دن جیسون ناگاتو، آراشدیرمانین نتیجه‌لرینه باغلی وئردیگی آچیقلامادا، یئترلی و کیفیت‌لی یوخونون گنج ارگنلرین گلیشیمی اوچون اؤنملی اولدوغونو وورغولادی.
ناگاتو، گئجه اویاندیغین‌دا تلفون و یا سوسیال مئدیا حسابلارینی کنترل ائتمه‌مه توصیه‌سی ائتدی.
آراشدیرمانین نتیجه‌لری سلیپ هلت درگیسینده یاییملاندی.
