آنا قارینینداکی کؤرپه‌یه عملیات
بوستون شهرینده‌کی دکترلار، کؤرپه‌نین بئینینین ایچینده چوخ آز گؤروله‌ن بیر قان داماری آنورماللیغی اولان واسکولر مالفورماسیون اولدوغونو کشف ائتدی
آمریکا بیرلشمیش دؤولتلرین‌ده دکترلار، آنا قارینینداکی کؤرپه‌یه عملیات ائد‌رک اؤلکه‌نین طب تاریخینه گئچدی.
لوئیزیانادا یاشایان درک و کنیاتا کولمن، نورمال کنترللار اوچون گئتدیکلری خسته‌خانادا دکترلارین عادی اولایان بیر شئی فرق ائتدیگینی اؤیره‌ندی.
یئرلی مطبوعاتین خبرلرینه گؤره بوستون شهرینده‌کی دکترلار، کؤرپه‌نین بئینینین ایچینده چوخ آز گؤروله‌ن بیر قان داماری آنورماللیغی اولان واسکولر مالفورماسیون اولدوغونو کشف ائتدی.
کؤرپه‌نین بئینینی گؤزلمله‌ین دکترلار، مالفورماسیونون تهلوکه‌لی بیر شکیلده بؤیودوگونو بیلدیردی.
نورمال بیر حامیله‌لیک مدتی گئچیردیگینی دوشونه‌ن آنا کنیاتانین، قارینینداکی کؤرپه‌یه دوغورمادان اؤنجه عملیات ائدیلیب ائدیلمه‌مه‌سینه قرار وئرمه‌سی لازیم ایدی.
آنا آتانین اونای وئرمه‌سی ایله عملیات ائدیلدی و کؤرپه ساغلیقلی بیر شکیلده دونیایا گلدی. بو عملیات، آمریکادا آنا قارینینداکی بیر کؤرپه‌یه ائدیله‌ن ایلک عملیات اولاراق طب تاریخینه گئچدی.
۲۰۱۸-جی ایلده ده روس دکترلار، تومن شهرین‌ده آنا قارینینداکی کؤرپه‌یه بئیین عملیاتی ائتمیشدیلر.
