آز دوُز اؤلوم ریسکینی آرتیرابیلر
گونده ۲،۵ گرامین آلتیندا قالان دوُز مصرفینین فایدا وئرمه‌دیگی و اؤلوم ریسکینی آرتیرابیله‌جگی معین اولوندو
چوخ آز دوُز ایشلتمگ اۆرک یئتمزلیگی خسته‌لری اوچون ضررلی اولابیلر.
هلث‌دی سایتینین خبرینه گؤره، ۹ چالیشمانین اورتاق آنالیزینی احتیوا ائد‌ن آراشدیرمادا، گونده ۲،۵ گرامین آلتیندا قالان دوُز مصرفینین فایدا وئرمه‌دیگی و اؤلوم ریسکینی آرتیرابیله‌جگی معین اولوندو.
سؤزو گئدن چالیشمالار، اۆرک یئتمزلیگی اولان تخمیناً ۳ مین ۵۰۰ نفرین فرقلی سدیم سویه‌لرینین دگرلندیریلمه‌سینین یانیندا اؤلوم و خسته‌خانایا یاتیش نیسبتلرینه باغلی بیلگیلرینی احتیوا ائدیر.
آراشدیرماچیلار، سدیم آلیش هدفی گونده ۲،۵ گرامین آلتیندا قالان رژیم اویقولایان خسته‌لرین اؤلمه احتیمالینین، گونده ۲،۵ گرام و یا داها اۆزری رژیم اویقولایانلارا گؤره یوزده ۸۰ داها چوخ اولدوغونو تثبیت ائتدی.
بولقولاری، ۵ مارس‌دا آمریکا کاردیولوژی کالجینین ایللیک توپلانتیسیندا سونولاجاق اولان آنالیزین باش یازاری دکتر آنیرود پالیچریا، "بولقولاریمیز، سدیم رژیمینی توصیه ائدیله‌ن‌دن داها آزییلا محدودلاشدیرمانین اۆرک یئتمزلیگی ایله موباریزه‌ده ترس تأثیر یاراتدیغینی گؤستردی" دئدی.
پالیچریا، "اۆرک یئتمزلیگی ایله موباریزه اوچون سدیمون محدودلاشدیریلماسی هله ده ایستیفاده ائدیله‌ن بیر یول آنجاق محدودلاشدیرمانین میقداری دارتیشمایا آچیلدی. بو آراشدیرما، سدیمو آشیری درجه‌ده قیسیدلاماق یئرینه گوونلی بیر سدیم مصرفی سویه‌سی اولوشدورماغا متمرکز اولونماسی لازیم اولدوغونو گؤستریر" ایفاده‌لرینی ایشلتدی.
ایلگیلی‌لی خبرلر
یانغیندا ۹ نفر جان وئردی
هیندیستاندا بیر فابریکا‌دا میدانا گلن پاتلاما و سونراسیندا چیخان یانغیندا، ۹ نفر اؤلدو
پاپوا یئنی گینه‌ده تورپاق سوروشمه‌سی؛ 100 اؤلن
پاپوا یئنی گینه‌ده باش وئرن سوروشمه نتیجه‌سینده 100-دن چوخ آدامین اؤلدویو تخمین ائدیلیر
