اؤزبکیستان‌دا اؤسکورک شربتینه سوروشدورما
هیندیستانین ماریون بیوتک شیرکتین‌ده اۆره‌تیلن «دوک-۱ مکس» اؤسکورک شربتینی ایستیفاده‌سی نتیجهسینده ۱۸ اوشاغین اؤلدویو خاطیرلادیلدی
اؤزبکیستان‌دا هیندیستان منشاءلی اؤسکورک شربتینین ۱۸ اوشاغین اؤلومونه سبب اولماسی ایله باغلی سوروشدورما باشلادیلدی.
اؤزبکیستان دؤولت گوونلیگی سرویسی طرفیندن وئریله‌ن آچیقلامادا، هیندیستانین ماریون بیوتک شیرکتین‌ده اۆره‌تیلن «دوک-۱ مکس» اؤسکورک شربتینی ایستیفاده‌سی نتیجهسینده ۱۸ اوشاغین اؤلدویو خاطیرلادیلدی.
آچیقلامادا سؤزوگئدن شربتی وارد ائد‌ن «کوراماکس مدیکال» و بو درمانین اؤلکه‌ده ایستیفاده‌سینه ایجازه وئره‌ن «درمان استانداردلاشدیرما مرکزی» مسئوللاری حاقیندا سوروشدورما باشلادیلدیغی و شبهه‌لیلرین گؤزآلتینا آلیندیغی وورغولاندی.
اؤزبکیستان ساغلیق باخانلیغی، سپتامبر-دسامبر آیلارین‌دا سمرقندده‌کی اوشاق خسته‌خاناسین‌دا معالیجه اولونان و «دوک-۱ مکس» شربتیندن ایستیفاده ائد‌ن اوشاقلاردان ۱۸نین اؤلدوگونو آچیقلامیشدی.
آچیقلامادا، بو اؤسکورک شربتینین اوزرین‌ده آپاریلان لابوراتوار آنالیزلری نتیجهسینده درمانین ترکیبین‌ده زهرلی ماده اولان «اتیلن گلیکول» معین ائدیلدیگی و درمانین اؤلکه‌ده ساتیشینین قاداغان ائدیلدیگی بیلدیریلمیشدی.
