"ایقلیم بحرانی عصرین ان بؤیوک گۆونلیک تهدیدیدیر"
آنالنا بربوک: ایقلیمی قوروماق اوچون گؤرولن هر تدبیر عینی زاماندا کۆره‌سل باریشا و اولوسلارآراسی گۆونلیگه قاتقیدیر
1893851
آلمانیانین خاریجی ایشلر باخانی آنالنا بربوک، ایقلیم بحرانینین بو عصرین ان بؤیوک گۆونلیک تهدیدی اولدوغونو سؤیله‌دی.
بربوک، لوکزامبورگ‌دا گئچیریله‌ن آوروپا بیرلیگی خاریجی ایشلر باخانلاری توپلانتیسی اؤنجه‌سی وئردیگی آچیقلامادا، بوردا قونومداشلاری ایله داها یاخشی بیر ایقلیم خاریجی سیاستی اوچون بیر گیریشیم باشلاتدیقلاری بیلگیسینی وئردی.
"ایقلیم بحرانی بو عصرین ان بؤیوک گۆونلیک تهدیدیدیر" دئین بربوک، ایقلیمی قوروماق اوچون گؤرولن هر تدبیرین عینی زاماندا کۆره‌سل باریشا و اولوسلارآراسی گۆونلیگه قاتقی اولدوغونو ایفاده ائتدی.
بربوک، یئنیله‌نه‌بیلیر انرژینین یایغینلاشدیریلما‌سییلا ایقلیم بحرانی ایله داها یاخشی موباریزه آپاریلابیله‌جگینی وورغولایاراق ایقلیم سیاستینین آوروپابیرلیگی خاریجی سیاستینین مرکزینده یئر آلمالی اولدوغونو قید ائتدی.
