هیندوستان-دا سئل و داشقین‌لار زامانی اؤلن‌لرین سایی آرتیب

هیندوستانین آسام ایالتینده داشقین‌لاردا حیاتینی ایتیرن‌لرین سایی 100-و کئچیب.

آسام ایالتینده سون 24 ساعات عرضینده داشقین‌لار نتیجه‌سینده داها 12 نفر اؤلوب.

ایالت رسمی‌لری بیلدیریب‌لر کی، آوریلین 6-دان بری ایالتده داشقین‌لار نتیجه‌سینده حیاتینی ایتیرن‌لرین سایی سون اؤلوم‌لرله 100-و کئچیب. یئتکیلیلر اؤلن‌لر آراسیندا 4 اوشاغین اولدوغونو بیلدیریب.

ایالتین طبیعی فلاکت‌لرله موباریزه ایداره‌سی 32 ایالتده 5 میلیون‌دان چوخ اینسانین داشقین‌لاردان ضرر چکدیگینی بیلدیریب.

داشقین‌دان ضرر چکن 271 میندن چوخ اینسان یاردیم دوشرگه‌لرینه سیغینیب.

گونئی آسیادا ژوئن – سپتامبر آیلاریندا تأثیرلی اولان لئیسان یاغیش‌لاری، خصوصیله هیندوستان-دا هر ایل گئنیش میقیاس‌لی طبیعی فلاکت‌لره و قضا‌لارا سبب اولور.