شدتلی یاغیشلار ان آز ۱۰۰ جان آلدی
یاغیشلارین سبب اولدوغو طبیعی فاجعه‌لر نتیجه‌سینده ۱۰۰ نفرین حیاتینی ایتیردیگی، ۱۶ نفرین ایسه ایتکین دوشدوگو آچیقلاندی
برزیلین پرنامبوکو ایالتینین موختلیف بؤلگه‌لرینده گوجلو یاغیشلارین سبب اولدوغو سئل و تورپاق سوروشمه‌لری نتیجه‌سینده حیاتینی ایتیره‌نلرین ساییسی ۱۰۰ نفره یوکسلدی.
پرنامبوکو سوسیال ساوونما کاتیبلیگی، ۲۵ میدن بو یانا بؤلگه‌ده لئیسان یاغیشلارین سبب اولدوغو طبیعی فاجعه‌لر نتیجه‌سینده ۱۰۰ نفرین حیاتینی ایتیردیگینی، ۱۶ نفرین ایسه ایتکین دوشدوگونو آچیقلادی.
ایتکین دوشه‌ن ۱۶ نفر اوچون آختارما قورتارما ایشلرینین، چئشیدلی بؤلگه‌لرده ۴۳۶ اوزمانین ایشتیراکی ایله داوام ائتدیگی بیلدیریلدی.
فاجعه‌لر سببی تخمیناً ۶۲۰۰ اینسانین ائولرینی ترک ائتمک مجبوریتینده قالدیغی و ایالتده فؤوق‌العاده وضعیت اعلان ائدیله‌ن شهرلرین ساییسینین ۲۴ اولدوغو آچیقلاندی.
برزیلین دوغوسونداکی پرنامبوکو ایالتینده اؤتن هفته‌دن بری یاغان شدتلی یاغیشلار، ایالتین موختلیف بؤلگه‌لرینده تورپاق سوروشمه‌سی و داشقینلارا سبب اولموشدو.
