برزیلیا-دا سئل نتیجهسینده اؤلنلرین سایی 171 نفره چاتیب
برزیلیا-دا داشقین نتیجهسینده اؤلنلرین سایی آرتیر.
برزیلیا-نین ریودوژانیرو ایالتینده باش وئرن سئل فلاکتی نتیجهسینده حیاتینی ایتیرنلرین سایی 171-ا چاتیب.
برزیلیا مطبوعاتینین معلوماتینا گؤره، اؤتن هفته ریودوژانیرو-دا داغلیق پتروپلیس شهرینده باش وئرن داشقین و تورپاق سوروشمهسیندن سونرا کؤنوللولر و یانغین سؤندورنلرین آختاریش-قورتارما ایشلری داوام ائتدیریلیب.
داشقین و سوروشمه نتیجهسینده حیاتینی ایتیرنلرین سایینین 171-ا چاتدیغی، 126 نفرین ایتکین دوشدوگو، 856 نفرین ایسه سیغیناجاقلاردا اولدوغو بیلدیریلیب.
پتروپلیس بلدیهسی کوچهلرین تمیزلنمهسی اوچون آپاریلان گئنیش میقیاسلی سعیلره گؤره ساکینلری ائوده قالماغا چاغیریب.
قئید ائدک کی،فوریهنین 15-ده ریودوژانیرونون داغلیق بؤلگهسی اولان پتروپلیس-ده یاغان گوجلو یاغیشدان سونرا شهرین هوندور یئرلرینده تورپاق سوروشمهلر باش وئریب، کوچهلر، پارکلار، بازارلاری سو باسیب، اتومبیل و اتوبوس لر سو آلتیندا قالیب.