چئوره چیرکلنمهسی "کووید-19"دان داها چوخ اؤلومونه سبب اولوب
چئوره چیرکلنمهسی "کووید-19" اپیدمی سیندن داها چوخ اینسان اؤلومونه سبب اولدو.
چئوره چیرکلنمهسی "کووید-19" اپیدمی سیندن داها چوخ اینسان اؤلومونه سبب اولدو.
چئوره چیرکلنمهسی بیر ایل عرضینده یئنی نوع کوروناویروسدان (کووید-19) داها چوخ اینسان اؤلومونه سبب اولوب.
بو، بیرلشمیش میللتلر تشکیلاتینین (بمت) چئوره پروقرامی مؤوضوع ایله باغلی یایدیغی راپوردا قئید اولونوب.
راپور ایله باغلی یازیلی آچیقلاما وئرن بمت-نین خصوصی راپورتری دیوید بادی "کووید-19" ایله موباریزهنین باشلانماسیندان بری قلوبال چئوره چیرکلنمهسی ریسکلرینین ایداره ائدیلمهسینین اوغورسوز اولدوغونو بیلدیریب.
دیوید بادی قئید ائدیب کی، "کووید-19" ایندییهدک 5،9 میلیون اینسانین اؤلومونه سبب اولسا دا، حشرات داوالاری، پلاستیک و الکترون توللانتیلارین یاراتدیغی چئوره چیرکلنمهسی هر ایل ان آزی 9 میلیون اینسانین واختیندان اول اؤلمهسینه سبب اولور و چئوره چیرکلنمهسی "کووید-19" اپیدمیسیندن داها اؤلومجولدور.
"کووید-19" ایله موباریزهنین چئوره چیرکلنمهسی گوندمینی آرخا پلانا کئچیرمهمهسینین واجیبلیگینی وورغولایان دیوید بادی تفلون قابلار کیمی ائو محصوللاریندا ایستیفاده ائدیلن و کانسره سبب اولان پلی فلوروآلکیل و پرفلوئورو آلکیلین کیمی خام مالین قاداغان ائدیلمهسی لازیم اولدوغونو بیلدیریب.
بمت-نین چئوره پروقرامینین چئوره چیرکلنمهسی ایله باغلی راپورو بمت-نین اینسان حقوقلاری شوراسینین گلن آی کئچیریلهجک ایجلاسلاریندا موذاکیره اولوناجاق.