اردوغان‌دان دونیایا واکسن چاغریسی
"یئرلی واکسن حاضیرلانماسی ایله باغلی چالیشمالاریمیز باشا چاتدیق‌دا آشیمیز ان اویغون شرطلرده بشریتین ایستیفاده‌سینه سونولاجاق"
1611386
تورکیه پرزیدنتی رجب طیب اردوغان بیرلشمیش میللتلرین دؤولت و حکومت باشقانلارینین قاتیلیمی ایله تشکیل ائتدیگی «کووید-۱۹ و اوندان سونرا قالخینمانین مالیه‌لشدیریلمه‌سی» آدلی آنلاین تدبیرین‌ده دانیشدی.
رجب طیب اردوغان چیخیشین‌دا، "یئنی نسیل کوروناویروس سالقینی کوره‌سل سیستم‌ده‌کی چاتیشمازلیقلاری بیر داها گون اوزونه چیخاردی" دئدی.
تورکیه پرزیدنتی: "آشی مسئله‌سی چوخ چتینلشدی. هله ده یوزه یاخین اؤلکه آشی الده ائده‌بیلمیش دئییل. آشیدا عدالت‌لی تداروک ضمانت آلتینا آلینمایاجاغی تقدیرده کوروناویروس سالقینینین باشا چاتمایاجاغی اورتادادیر. یئرلی واکسن حاضیرلانماسی ایله باغلی چالیشمالاریمیز باشا چاتدیق‌دا آشیمیز ان اویغون شرطلرده بشریتین ایستیفاده‌سینه سونولاجاق" ایفاده‌سینی ایشلتدی.
