بمت ایقلیم دییشیکلیگی ایله علاقهدار خبردارلیق ائتدی
بیرلشمیش میللتلر تشکیلاتینین اینسان حاقلاری عذره عالی کمیساری میشل باچلت ایقلیم دییشیکلیگینین اینسان حقوقلاری مسئلهسینده قلوبال بیر تهلوکهیه چئوریلدیگینی بیلدیردی.
بیرلشمیش میللتلر تشکیلاتینین اینسان حاقلاری عذره عالی کمیساری میشل باچلت ایقلیم دییشیکلیگینین اینسان حقوقلاری مسئلهسینده قلوبال بیر تهلوکهیه چئوریلدیگینی بیلدیردی.
باچلت بمت-نین ژنو اوفیسینده باشلایان اینسان حاقلاری شوراسینین 42-جی اوتورومونون آچیلیشینداکی نطقینین مهم بیر حیسهسینی ایقلیم دییشیکلیگی موضوع سونا حصر ائتدی.
"ایقلیم دییشیکلیگی دونیانین هر بیر بؤلگهسینه تأثیر گؤسترن بیر رئاللیقدیر" دئین باچلت قلوبال ایسینمهنین سویهسینین اینسانلار اوچون فلاکتلی نتیجهلرینین اولاجاغی ایله باغلی خبردارلیق ائتدی.
باچلت ایقلیمین فوق العاده وضعیتینین حاضردا قلوبال سویهده کسکین شکیلده آرتدیغینی وورغولادی، دونیا ساغلیق تشکیلاتینین 2030-2050-جی ایللرده ایقلیم دییشیکلیگینین 250 مین علاوه اؤلومه سبب اولاجاغینی پروقنوزلاشدیردیغینی خاطیرلاتدی.
ایقلیم دییشیکلیگینین اینسان حاقلارینا، اینکیشافا و باریشا ضربه ائندیردیگینی قئید ائدن عالی کمیسار:"دونیا اینسان حاقلارینا قارشی هئچ واخت بو اؤلچوده بیر تهدید گؤرمهییب. بو هر هانسی بیر اؤلکهنین، هر هانسی بیر قورومون، هر هانسی بیر سیاستچینین کنارا چکیله بیله جگی بیر وضعیت دئییل" دئیه بیلدیردی.
باچلت ایقلیم دییشیکلیگی ایله داها آکتیو موباریزهیه چاغیردی.
سپتامبرین 27-ا قدر داوام ائدهجک اوتورومدا یمن و میانمار-دا اینسان حاقلاری پروبلئملرینین هرطرفلی موذاکیره اولونماسی گؤزلنیلیر.