اؤلو ساییسی ۳۰ نفره یوکسلدی
آختارما قورتارما ایشلرینین داوام ائتدیگی بؤلگه‌ده اؤلو ساییسینین آرتماسین‌دان قایغی دویولور
باهامانی ووران دوریان قاسیرغاسی سببی ایله حیاتینی ایتیره‌نلرین ساییسی ۳۰ نفره یوکسلدی.
باها باش باخانی هوبرت مینیس، وئردیگی آچیقلامادا، قاسیرغا سببیله حیاتینی ایتیره‌نلرین ساییسینین ۳۰ نفره یوکسلدیگینی بیلدیردی.
بؤلگه‌نی بو آنا قدر ووران ان بؤیوک قاسیرغا اولاراق ثبت ائدیلن دوریان قاسیرغاسی، باهامادا بؤیوک زیانا سبب اولارکه‌ن، مینلرجه انسان دا ائوسیز قالدی.
آختارما قورتارما ایشلرینین داوام ائتدیگی باهامادا اؤلو ساییسینین آرتماسین‌دان قایغی دویولور.
باهامالاردا ۷۰ مین اینسانین عاجل ارزاق و تمیز ایچمه‌لی سویوا احتیاج دویدوغونو بیلدیره‌ن بیرلشمیش میللتلر، بؤلگه‌یه ۸ تن ارزاق یاردیمی گؤندره‌جک.
آمریکا بیرلشمیش دؤولتلرینین دوغو ساحللرینه چاتان، گوج قازاناراق کاتگوری ۳ه یوکسه‌له‌ن و بیر مدت سونرا یئنی‌دن کاتگوری ۲ سویه‌سینه گئریله‌یه‌ن دوریان قاسیرغاسی، گونئی و قوزئی کارولینا ایالتلرینده تأثیرلی اولماغا داوام ائدیر.
شدت‌لی کولک و یاغیش گونئی کارولینا ایالتینین چارلستون شهرین‌ده سئل و سو داشقینلارینا سبب اولارکن، گونئی و قوزئی کارولینا ایالتلرینده ۲۲۰ مین‌دن چوخ ائو و ایش یئرین‌ده ده الکتریک کسینتی‌لری باش وئردی.
ایلگیلی‌لی خبرلر
وانواتودا 6.1 ریشتر گوجونده زلزله باش وئریب
زلزله‌دن سونرا جان و مال ایتکیسی قیده آلینماییب، سونامی خبردارلیغی ائدیلمه‌ییب
