تایواندا 6.4 ریشتر گوجونده زلزله میدانا گلدی
چین زلزله شبکهلری مرکزی، تایوان آداسینین شیمال-شرقیندکی ییلان محلی ساحیللرینده 6.4 ریشتر بوگوکلوغونده زلزله اولدوغونو ائشیتدیردی
1249809
تایوانین شیمال-شرق ساحیلینده 6.4 ریشتر گوجونده زلزله میدانا گلدی.
چین زلزله شبکهلری مرکزی، تایوان آداسینین شیمال-شرقیندکی ییلان محلی ساحیللرینده 6.4 ریشتر بوگوکلوغونده زلزله اولدوغونو ائشیتدیردی.
سارسینتینین یئرین 30 کیلومتر آلتیندا میدانا گلدیگی ایفاده ائدیلن زلزلهده اؤلو و یارالی اولوب اولمادیغینا باغلی آچیقلاما ائدیلمهدی.
تایوان مرکزی متئورولوژی بوروسو ایسه زلزلهنین 6 ریشتر گوجونده و یئرین 22.5 کیلومتر آلتیندا رئاللاشدیغینی آچیقلادی.
مرکزی ییلان محلینین 35 کیلومتر آچیقلاری اولاراق ایفاده ائدیلن زلزله، آدانین ایچ سمتلرینده 4 و 3 ریشترده حیس ائدیلدی.
زلزله سببیله مترو سفرلری موقتی اولاراق دایاندیریلدی. ییلان اطرافیندا واسطهلرین سرعتلرینی ساعاتدا 60 کیلومتره قدر دوشورمهیه خبردارلیغی ائدیلدی.