آنتالیا دونیادا ان چوخ ماوی بایراغی اولان شهردیر
بونا گؤره تورکیه-ده بو ایل 202-سی آنتالیادا اولماقلا 463 پلاژدا ماوی بایراق دالغالاناجاق.
دونیانین اهمیتلی توریزم مرکزلریندن بیری اولان، تورکیه-نین توریزم ساحهسینده پایتاختی قبول ائدیلن آنتالیا اولوسلار آراسی چئوره موکافاتی ماوی بایراغا صاحب پلاژ سایینی 202-یه چیخاردی و بونونلا دا تورکیه-ده و دونیادا ان چوخ ماوی بایراغا صاحب شهر عنوانینی قورودو.
اولوسلار آراسی ماوی بایراک حکم هئیتی 2019-جو ایلین ماوی بایراک موکافاتلارینی آچیقلادی.
بونا گؤره تورکیه-ده بو ایل 202-سی آنتالیادا اولماقلا 463 پلاژدا ماوی بایراق دالغالاناجاق.
ویلایت میقیاسیندا تورکیه-ده و دونیادا لیدرلیگینی قورویان آنتالیانی 102 پلاژلا موغلا، 49 پلاژلا ایزمیر، 30 پلاژلا آیدین ویلایتلری ایزلهییب.
تورکیه چئوره وقفینین (TÜRÇEV) باش دیرکتورو مورات ییغیتول تورکیه-نین ان چوخ ماوی بایراق موکافاتا صاحب پلاژ سایی ایله ایسپانیا و یونانیستاندان سونرا اوچونجو یئرده اولدوغونو سؤیلهدی.
ییغیتول ان چوخ ماوی بایراق موکفاتلی شهر میقیاسیندا ایسه آنتالیانین تورکیه-ده و دونیادا لیدر اولدوغونو وورغولادی.
اؤلکه میقیاسیندا دا ماوی بایراق ساییندا آرتیم اولدوغونو ایفاده ائدن ییغیتول 150-سی خالق، 313-و توریزم تاسیسلری اولماقلا 463 چیمرلیگین ماوی بایراق موکافاتینا لاییق گؤرولدوگونو قئید ائدیب.