۳۱۰ دکتر استعفا وئردی
یئتکیلیلرین وطنداشلارین ساغلیق حاقلاری ساحهسیندهکی اوغورسوزلوقلارینی دکترلارین اوزرینه ییخدیغی ادعا ائدیلدی
مراکشده دؤولت خستهخانالاریندا چالیشان ۳۱۰ دکتر، "فلاکت" اولاراق دیرلندیردیکلری ساغلیق سیستئیندهکی پروبلئملره اعتراض اوچون استعفا وئردی.
دؤولت سئکتورو دکترلاری باغیمسیز سندیکاسی طرفیندن وئریلهن یازیلی آچیقلامادا، بنی ملال بؤلگهسینده ۱۲۲، مکنسده ۱۲۵، دوغو بؤلگهسینده ده ۶۳ حکیمین "ساغلیق سئکتورونداکی پروبلئملر سببیله وظیفهلرینی یئریدهممهدیگینی سبب گؤسترهرک" استعفا وئردیگی قید اولوندو.
آچیقلامادا، خیدمتلرین وطنداشلارین طلبلرینی قارشیلامادیغینی و یئتکیلیلرین وطنداشلارین ساغلیق حاقلاری ساحهسیندهکی اوغورسوزلوقلارینی دکترلارین اوزرینه ییخدیغی ادعا ائدیلدی آنجاق یاشانان پروبلئملر حاقیندا اطرافلی معلوماتا یئر وئریلمهدی.
دؤولت سئکتورو دکترلاری باغیمسیز سندیکاسی، چالیشما شرایطینین یاخشیلاشدیریلماسی و امک حاقلاریندا آرتیش طلبی ایله بیر مدت اول اعتصابا چیخمیشدی.
مراکشده دؤولتده وظیفهلی حکیملر تخمیناً ۷ مین درهم (تخمیناً ۷۰۰ دلار) آییلیق آلارکن، اؤزل سئکتورداکی حکیملرین داها یوکسک آیلیق آلدیغی بیلدیریلیر.
مراکشده حکومتله ایشچی سندیکالاری آراسیندا چرشنبه گونو آنلاشما امضالانمیشدی.
آنلاشمادا هم اؤزل سئکتور، هم ده دؤولتدهکی آیلیقلاردا آرتیش ائدیلمهسی اؤن گؤرولور.