ایراندا اؤلو ساییسی ۵۷ نفره چیخدی
یارالانان ۴۷۸ نفردن ۴۳۰ونون خسته‌خانالارا چاتدیریلدیغی بیلدیریلدی
ایراندا سئل فاجعه‌سینده اؤلو ساییسی ۵۷یه یوکسلدی.
ایران عاجل یاردیم قورومونون سؤزچوسو مجتبی خالدی، اؤلکهده ۲ هفته‌دن بو یانا داوام ائد‌ن سئل فاجعه‌سینده حیاتینی ایتیره‌نلرین ساییسینین ۵۷یه یوکسلدیگینی و ۴۷۸ نفرین یارالاندیغینی بیلدیردی.
خالدی، سئل فاجعه‌سی سببی ایله فارس ویلایتینین مرکزی شیراز شهرین‌ده ۲۲، گولوستان ایالتین‌ده ۷، مازندران ایالتین‌ده ۵، قوزئی خوراسان ایالتین‌ده ۳، کهگیلویه و بویر احمد ایالتین‌ده ۳، لوریستان ایالتین‌ده ۵ و خوراسان رضوی، سمنان، همدان، خوزیستان، کرمانشاه، زنجان، قزوین ایله ایلام ایالتلرین‌ده ده ۱۲ نفر اولماق اوزره ۵۷ نفرین حیاتینی ایتیردیگینی بیلدیردی.
خالدی آیریجا سئل فلاکتینین اولین‌دن بو یانا یارالانان ۴۷۸ نفردن ۴۳۰ونون خسته‌خانالارا چاتدیریلدیغینی قید ائتدی.
اؤته یاندان، ایران رسمی آژانسی ایرنانین خبرینه گؤره، لوریستان ایالتین‌ده سئل فلاکتی سببی ایله ۶۲۰ کند یولو باغلاندی، کرمانشاه ایالتین‌ده ده سون ۴۸ ساعات‌دا یاغان یاغیش سببیله ۳۵۰ کؤرپو و سو کانالی تخریب اولدو.
ایراندا تخمیناً ایکی هفته‌دن بو یانا یاغان شدت‌لی یاغیشلار سببی ایله میدانا گلن سئل فاجعه‌سی بؤیوک زیانا و جان ایتکیلرینه یول آچمیشدی.
سئل فلاکتینین یاشاندیغی بؤلگه‌لردن گولوستان ایالتینین والی‌سی مناف هاشمینین یورددیشیندا اولماسی اؤلکهده دارتیشمالارا سبب اولموش و بونون اوزرینه هاشمی وظیفه‌سین‌دن آلینمیشدی.
