۳۰ یانغینسؤندورهن یاناراق اؤلدو
یانغینسؤندورهنلردن چوخونون ۲۰لی یاشلاردا اولدوغو معلوماتی پایلاشیلدی
چینین سیچوان ایالتینده داغلیق بؤلگهده هفته سونو چیخان و ۳۰ یانغینسؤندورهنین حیاتینی ایتیرمهسینه سبب اولان اورمان یانغینی کنترل آلتینا آلیندی.
چین مطبوعاتیندا چیخان خبرلره گؤره، لیانگشان بؤلگهسینده ۳ مین ۸۰۰ متر یوکسکلیکدهکی بیر اراضیده هفته سونو چیخان یانغینین کنترل آلتینا آلیندیغینی بیلدیرهن یئتکیلیلر، بؤلگهده یالنیز بیر نئچه یئردن توستو یاییلماغا داوام ائتدیگینی سؤیلهدی.
سؤندورمه ایشلری زامانی یئلین بیردن یؤن دییشدیرمهسی نتیجهسینده آلوولار آراسیندا قالاراق حیاتینی ایتیرهن ۳۰ یانغینسؤندورهنین جنازهلری، هلیکوپترلرله شیچانگ قصبهسینه گتیریلدی.
حیاتینی ایتیرهن یانغینسؤندورهنلردن چوخونون ۲۰لی یاشلاردا اولدوغو معلوماتی پایلاشیلدی.
چین عاجل دوروم یؤنتیمی باخانلیغیندان دونن وئریلهن آچیقلامادا، اورمان یانغینینی سؤندورمه ایشلرینه ۶۸۹ نفرین قاتیلدیغینی آنجاق بازار گونو نفر۳۰ ایله ارتباطین کسیلدیگی ایفاده ائدیلمیشدی.
طبی لوازیم داشییان ۲ هلیکوپترین آختارما ایشلرینده ایشتیراک ائتمک اوچون حادثه یئرینه سؤوق ائدیلدیگی بیلدیریلهن آچیقلامادا، ایتکین ۳۰ یانغینسؤندورهنین جسدلرینین تاپیلدیغی قید ائدیلمیشدی.
چین، سون هفتهلرده اؤلکهنین موختلیف بؤلگهلرینده چیخان اورمان یانغینلاری ایله مباریزه ائدیر.