استرالیا-داکی قوراق‌لیق اوشاق‌لارین پسیکولوژی اینکیشافینا منفی تأثیر گؤستریر
بیرلشمیش میللت‌لر تشکیلاتی‌نین اوشاق‌لارا یاردیم فوندونون (UNICEF) یایدیغی راپوردا استرالیا-دا اوزون مودت داوام ائدن قوراقلیغین اوشاق‌لارا منفی تأثیر گؤسترمه‌سینه دقت چکیلدی.
بیرلشمیش میللت‌لر تشکیلاتی‌نین اوشاق‌لارا یاردیم فوندونون (UNICEF) یایدیغی راپوردا استرالیا-دا اوزون مودت داوام ائدن قوراقلیغین اوشاق‌لارا منفی تأثیر گؤسترمه‌سینه دقت چکیلدی.
یونیسف استرالیا-نین رسمی‌لری یئنی گونئی ولز ایالتینده کی Gunnedah ، Narrabri ، Walgett و Tamworth –ده یاشایان 5-16 یاش‌لارین‌داکی اوشاق‌لارلا گؤروشوب‌لر.
راپوردا بولگه‌نین اکینچی عائله‌لرینده قوراق‌لیق سببیندن یارانان گرگینلیگین اوشاق‌لار اوزرینده تضییقه چئوریلدیگینه، اولدوقجا استرس‌لی اولان اوشاق‌لارین چوخونون گله‌جک‌لری ایله باغلی ناراحات‌لیق کئچیردیک‌لرینه دقت یئتیریلیر.
راپوردا ایش یوکو آرتان اوشاق‌لارین مکتبله علاقه‌دار مسئله‌لره، اویون و ایدمان کیمی فعالیت‌لرینه داها آز واخت صرف ائتدیک‌لری بیلدیریلیر.
آدی چکیلمه‌ین بیر لیسه طلبه‌سی: "حیاتیمدا داها اول هئچ قوزو وورمامیشدیم. بو ایل ان آزی 50 قوزو ووردوم. آرتیق بو، منه نورمال گلیر" ایفاده‌لرینی ایشلدیب.
قئید ائدک کی، استرالیا-نین تاریم محصول‌لاری اوره تیمی‌نین دؤردده بیری یئنی گونئی ولز ایالتی‌نین اوزرینه دوشور. بو ایالتین ایسه تخمینن بوتون اراضی‌سی‌نین 100 فایز قوراق اولدوغو بیلدیریلیر.
