ایران‌دا هر ایل ۱۰ مین‌دن چوخ اوشاق اؤلور
"بو ایالتلرده یوخسوللوق و دوغوم اؤنجه‌سی باخیملارین یئترسیزلیگی کیمی سببلرله کؤرپه‌لر دوغوم زامانی اؤلور"
ایران‌دا هر ایل ۱۰ مین‌دن چوخ اوشاق یوخسوللوق و دوغوم اؤنجه‌سی باخیملارین یئترسیزلیگی سببی ایله حیاتینی ایتیریر.
ایران رسمی آژانسی ایرنایا دانیشان ساغلیق باخانلیغی اوشاق ساغلیغی دایره‌سی باشقانی محمد حیدری، اؤلکه‌ده‌کی یوخسوللوغون کؤرپه ساغلیغینا تأثیرلرینی دگرلندیردی.
اؤلکه‌نین بیر چوخ نقطه‌سین‌ده یوخسوللوق اولدوغونو بیلدیرن حیدری،
"یئنی دوغوملارین مین‌ده ۸،۲۷سی اؤلکه‌ده‌کی اقتصادی یوخسوللوق سببی ایله اوشاقلارین اؤلومو ایله نتیجه‌لنیر. ایلده تخمیناً ۱ میلیون ۴۰۰ مین اوشاغین آنادان اولدوغو نظره آلیندیقدا هر ایل ۱۰ مین‌دن چوخ اوشاق بو سببله اؤلور" دئدی.
کؤرپه اؤلوم اولقولارینین ان یوکسک اولدوغو بؤلگه‌لرین سیستان و بلوچستان، هرمزگان، کرمانشاه و کرمان ایالتلری اولدوغونو بیلدیرن حیدری،
"بو ایالتلرده یوخسوللوق و دوغوم اؤنجه‌سی باخیملارین یئترسیزلیگی کیمی سببلرله کؤرپه‌لر دوغوم زامانی اؤلور" ایفاده‌سینی ایشلتدی.
