دونیادا هر بیر دقیقهده 12 اوشاق اؤلور
ساواشین منفی شرطلری، اوستلرینه آتیلان بومبالار، ال وئریشسیز حیات شرطلرینده کیچیک بدنلرینی گمیرن خستهلیکلر و آجلیق…
دونیادا هر بیر دقیقهده 12 اوشاق اؤلور
اوشاقلار خستهلیک، آجلیق و ساواش شرایطینده یاشاماق اوچون موباریزه آپاریرلار.
ساواشین منفی شرطلری، اوستلرینه آتیلان بومبالار، ال وئریشسیز حیات شرطلرینده کیچیک بدنلرینی گمیرن خستهلیکلر و آجلیق…
بونلار 20 نوامبر دونیا اوشاق حاق لاری گونونده اوشاق اولماق بیر طرفه، اینسان اولما حقوقو بئله وئریلمهین دونیا اوشاقلارینین یاشادیغی فاجعه لردن بیر نئچهسیدیر.
بمت-نین راپورلاری دهشتلی رقملری اورتایا قویور.
2017 -جی ایلده هر 5 ثانیهده بیر، 15 یاشدان آشاغی اوشاق قارشیسی آلینا بیلهجک خستهلیکلر سببیندن حیاتینی ایتیردی. نتیجه چوخ آغیردیر: تقریباً 6،5 میلیون اوشاق اؤلدو.
عاجیل تدبیر گؤرولمهیهجگی تقدیرده 5 یاشدان آشاغی 56 میلیون اوشاغین 2030-جو ایلدک داوا، ایچمهلی سو، الکتریک انرژیسی و واکسنه قوووشما پروبلئمینه گؤره اؤلوم تهلوکهسی اولدوغو ایفاده ائدیلیر.
هر بیر دقیقهده 12 اوشاق، هر 5 ثانیهده بیر اوشاق قارشیسی آلینا بیلن خستهلیکلره گؤره اؤلور.
720 میلیون اوشاق زوراکیلیغا معروض قالیر.
بمت هر گون اویرنجیلرین تضییق، جینسی زوراکیلیق و سلاحلی شدت تهلوکهسیله قارشی-قارشییا اولدوغونو وورغولاییر.
بوتون دونیادا قانونی حقوقلاری پوزولان اوشاقلاری خاطیرلاماغی تامین ائدهجک دونیا اوشاقلار گونون اونلار اوچون گولن بیر پنجره آچاجاق آددیملاری مقصد گؤتورور.
بمت-نین باش مجلیسی 1959-جو ایل نوامبرین 20-ده اوشاق حقوقلاری بیاننامهسینی، 1989-جو ایلین همین تاریخینده ایسه اوشاق حقوقلاری کنوانسیونونو قبول ائتمیشدیر.