جسدلر ساحله وورمایا باشلادی

اندونزی‌ده باش وئره‌ن زلز‌له سونراسی سونامیده اؤلنلرین جسدلری ساحله وورمایا باشلادی.

جاکارتا مرکزلی اسلام تحصیلی اوزره فعالیت گؤستره‌ن هدایت‌الله جماعتینه باغلی آختاراما قورتارما اکیبی سوروملوسو احمد حمیم، سونامی‌ده دنیزه چکیله‌ن جسدلری داها سونرا ساحله وورموش گؤردوکلرینی، چوخونون بده‌نلری شیشیب و بعضیلرینین اوزونو تانینماز حال‌دا تاپدیقلارینی ایفاده ائتدی.

احمد حمیم، بو آنا قدر ساحله وورموش ۱۱ جسد توپلادیقلارینی و ۷ گوندور آپاردیقلاری ایشلرده ده ۱۰۰دن آرتیق جسده چاتدیقلارینی قید ائد‌رک، ییخینتی آلتین‌دان هئچ کیمی ساغ چیخاراممادیقلارینی دئدی.

رسمی مقاملار، بؤلگه‌ده هله ده مین‌دن چوخ انسانین ایتکین اولدوغونو، اؤزللیکله ۳ مین‌دن چوخ ائوین ییخیلدیغی پالودا‌کی پتوبو و بالاروا بؤلگه‌سین‌ده ایتکینلرین چوخ‌لوغو سببی ایله چالیشمالارا بو جغرافیادا آغیر‌لیق وئریلدیگینی آچیقلادی.

زلز‌له‌نین اولدوغو پالو و دونگالادا اؤلکه‌یه عاید میللی آختارما وقورتارما قورومو ایله یئرلی اکیبلرین یانی سیرا خاریجی اؤلکه‌لر و یئرلی جماعت و تشکیلاتلارا عاید بیر چوخ آراما قورتارما قروپلارینین فعالیتی داوام ائدیر.