اؤلو ساییسی ۱۴۰۰ نفری گئچدی
۵۱۹ جسدین دفن ائدیلدیگی بیلدیریلدی
اندونزینین سولاوسی آداسیندا جمعه گونو میدانا گلن زلزله و آردینجا گلن سونامیده حیاتینی ایتیرنلرین ساییسی ۱۴۰۷یه چیخدی.
اندونزی اولوسال فاجعه یؤنتیم آژانسی سؤزچوسو پوروو نوگروهو، ۵۱۹ جسدین دفن ائدیلدیگینی بیلدیردی.
زلزله و سونامی فاجعهسینده ۲ مین ۵۴۹ نفرین یارالاندیغینی ایفاده ائدن نوگروهو، ۱۰۰ون اوزرینده انسانین ایتکین اولدوغو معلوماتینی پایلاشدی.
یئتکیلیلر، بؤلگهدهکی ۲ میندن چوخ اوخول بیناسینین زیان گؤردویونو و تحصیلین داوام ائتمهسی اوچون گئچیجی صینیفلر قورولاجاغینی بیلدیردی.
نوگروهو، ۶۱ مین ۸۶۷ نفرین گئچیجی سیغیناجاقلاردا توتولدوغونو بیلدیرمیشدی.
سولاوسی آداسیندا، پالو کؤرفزینین ۲۷ کیلومتر قوزئیینده جمعه گونو آمریکا ژئولوژی آراشدیرمالار قورومو بیلگیلرینه گؤره ۷،۵ بؤیوکلویونده زلزله میدانا گلمیشدی.
یئرلی قایناقلار، زلزلهنین شدتینی ۷،۴ اولاراق آچیقلادی.
زلزلهنین آردیندان دونگالا و پالو شهرلرینی، یوکسکلیگی ۳- ۶ متره چاتان سونامی دالغالاری وورموشدو.