اندونزی'نین سولاوسی آداسیندا اؤلو ساییسی832یه یوکسلیب
بؤلگهده الکتریک کسینتیسینین داوام ائتدیگینی ایفاده ائدن رسمی مقاملار، یاناجاق، ارزاق و ایچمهلی سویوندا چتینلیکلر یاشاندیغینی بیلدیردی
اندونزی'نین سولاوسی آداسیندا جمعه گونو میدانا گلن زلزله و آردینجا یارانان سونامی'ده اؤلو ساییسی4832یه یوکسلیب.
کومپاس قزئتینین خبرینه گؤره، میللی فلاکت آژانسی رهبرلیگی (BNPB)، زلزله و آردینجا سونامینین تأثیرلی اولدوغو پالو شهرینده اؤلو ساییسینین 832یه چیخدیغینی آچیقلاییب.
ایرتیباط کسینتیسی سببیندن دونقالا منطقه سیندن هله دقیق بیر معلومات یئتیشمه'دیغی بیلدیریلن خبرده، منطقه'ده آلت یاپی و تورپاق سوروشمهلری سببیندن نقلیاتدا پروبلملر یاشاندیغی قئید ائدیلدی.
بؤلگهده الکتریک کسینتیسینین داوام ائتدیگینی ایفاده ائدن رسمی مقاملار، یاناجاق، ارزاق و ایچمهلی سویوندا چتینلیکلر یاشاندیغینی بیلدیردی.
منطقه'ده یاشایانلاردان گلن معلوماتلارا گؤره، 29 نفرین ایتکین دوشدوگو، تخمینن 17 مین نفرین ده تخلیه ائدیلدیگی قئید ائدیلمیشدی.
دولت باشقانی جوکو ویدودو، آختارما قورتارما فعالیتلرینه دستک مقصدیله بؤلگهیه میظامی گوج گؤندریلمهسی تاپشیریغی وئرمیش، زلزله قونوسوندا بوتون اورقانلارین حرکته کئچمهسی مقصدیله دا بؤلگهده عاجیل وضعیت اعلان ائدیلمیشدی.