مونلولوق درسلری وئریلیر
موتلولوق درسلری، هفته‌نین اولین‌دن بو یانا مین‌دن چوخ اوخول‌دا وئریلیر
هیندیستانین ان بؤیوک ۲.جی شهری دهلی‌ده مین‌دن چوخ اوخول‌دا موتلولوق درسلری پروگرامی باشلادی.
دهلی تحصیل باخانی مانیش سیسودیانین پروژه‌سی اولان موتلولوق درسلری، هفته‌نین اولین‌دن بو یانا مین‌دن چوخ اوخول‌دا وئریلیر و هر گون ۳۰ ایله ۴۵ دقیقه سورور.
پروگرام چرچیوه‌سین‌ده اؤیرنجی‌لر، اوشاق باغچاسی چاغیندان ۲.جی صینیفه، ۳.جو صینیف‌دن ۵.جی صینیفه و ۶.جی صینیف‌دن ۸.جی صینیفه اولماقلا ۳ قروپا بؤلونور.
باشارینین نمره ایله اؤلچولمه‌یه‌جگی موتلولوق درسلرین‌ده اؤیرنجیلرین تست و یا تاپشیریق ائتمه‌لری گرکمیر.
درسلرده، دویغوسال و روحسال احتیاجلارا یؤنلن حکایه آنلاتیمی و مدیتاسیون کیمی فعالیتلرله دویغوسال ذکانین اینکیشاف ائتدیریلمه‌سی آماجلانیر.
موتلولوق درسلرینین، اوشاق و گنجلرین دپر‌سیون، استرس و قایغی پوزوقلوغونون اوسته‌سین‌دن گلمه‌سینه یاردیم‌چی اولماسی اومود ائدیلیر.
فرقینده‌لیک، دیگرلره دایانان فعالیتلر و اؤزونو ایفاده ائتمه، موتلولوق درسلرینی وئره‌جک اؤیرتمنلرین قونولاری آراسین‌دا یئر آلیر.
دهلی ایالت یؤنتیمینین یاراتدیغی موتلولوق کمیته‌سینین ده ۲۰۰ عاغیل خوجاسیلا درسلرین تعقیبینی ائتمه‌سی پلانلانیر.
دونیا ساغلیق هؤرگوتونه گؤره، هیندیستان‌دا ۱۳ ایله ۱۵ یاشلارین‌داکی هر ۴ اوشاق‌دان بیری دپرسیونلا مباریزه ائدیر.
