هیندیستان، توز-دومان قارشیدی سیلاحی بوگون قوللانمایا باشلادی
یئرلی اوره‌تیم اولان جیهازین سرعتله آتدیغی سو دامجی‌لاری‌نین، هاوا‌داکی چیرک‌لی پاچاجیک‌لاری تمیزلدیگی قید اولونور
هاوا گیرلی‌لیگی ایله بوغوشان هیندیستان، اینکیشاف ائتدیردیگی توز و دومان-قارشیدی سیلاحی بوگون قوللانمایا باشلادی.
یئرلی اوره تیم اولان جیهازین سرعتله آتدیغی سو دامجی‌لاری‌نین، هاوا‌داکی چیرک‌لی پاچاجیک‌لاری تمیزلدیگی قید اولونور.
ساچ قورودانا بنزر جیهازین، ایلک اولا‌راق باشکند یئنی دهلی‌نین صنایع بؤلگه‌سی آناند ویهار-دا تست ائدیلدیگی آچیقلانیب.
بؤلگه‌دکی هاوا گیرلنمه‌سی، اعتبارلی سویه‌نین 15 قات اوستونده.
دهلی چئوره باخانی عمران حسین،
"اگر اوغورلو اولسا، بون‌لاری ان قیسا زاماندا دهلی کوچه‌لرینده گؤرجگیک" دئدی.
اصلن معدن و تیکینتی ساحه‌لرین‌دکی توزو تمیزلمک اوچون ایجاد ائدیلن جیهازین دنه‌سی، 31 مین آمریکا دولار (تخمینن 120 مین تورک لیره‌سی) جیواریندا.
اوره‌تیچی شیرکت، دقیقه‌ده 100 لیتره قدر سو پوسکوردن جیهاز، هاوا‌داکی گیرک‌لی پارچاجیک‌لارین یوزده 95ینی تمیزلدیگینی ادعا ائدیر.
آنجاق اود یاندیرما، اکزوز، تیکینتی توزو و صنایع گیرلی‌لیک کیمی اصل سبب‌لرین قارشی‌سی‌نین آلینماسی لازیم اولدوغونو ایره‌لی سورن اکولوق‌لار، بونون موقتی بیر حلّ اولدوغونو بیلدیریر.
